S. EXA. MINISTRU MESSK HALAO SORUMUTU HO UNIVERSIDADE MERCU BUANA INDONESIA  

Díli, 22/10/2024: S. Exa. Ministru Ensinu Superiór, Siénsia no Kultura, Dr. José Honório, akompañadu husi tékniku sira, simu audensia husi delegasaun Universidade Mercu Buana, Indonesia nian, iha edifisiu Ministériu, Colmera Díli.

Prezensa husi Delegasaun Mercu Buana refere, mai ho nia objetivu atu halo vizita kortejia prezensialmente mai iha Ministériu, no aprezenta proposta ba futuru kooperasaun ne’ebé mak Instituisaun refere hakarak implementa hamutuk ho Ministériu. Husi Proposta ne’ebé mak iha, sei kobre ba area kooperasuan hanesan, bolso estudu ba iha Timor oan sira ho meritu ne’ebé hakarak kontinua sira nia estudo iha Universidade Mercu Buana, ba nível Lisensiatura no Mestradu. No mos formasuan kurtu prazu nian ne’ebé mak, universidade hakarak oferese ba kapasitasaun funsionarius sira no area sira seluk ne’ebé inklui mos hanesan, ba programa akademiku nian iha area peskiza no mos servisu komunitariu.

Hola parte iha Sesaun ne’e, S. Exa. Ministru Ensinu Superiór, Siénsia no Kultura, akompañadu husi Diretor Nasional Kurrikulum, Sr. Alcino Barreto, Xefe Departamentu Unidade Parseria no Kooperasaun, Sra. Marcelina Lihu ho nia téknika, hamutuk ho Assesor Ezekutivu MESSK, Sr. Afonso Alves.