by Dili, 27/08/2024: Ekipa Konsellu Tékniku SNQ-TL, liderada husi Diretora Jeral Ensinu Superiór no Siénsia, Sra. Maria Filomena Lay Guterres, realiza sorumutu daikus ho Konsellu tékniku SNQ-TL, iha Salaun Reuniaun, Colmera Díli. Ne’ebé mak ho nian objetivu atu aprezenta Relatorio Komisaun traballu husi ekipa rua (2) ne’ebé mak responsável ba Ensinu Superiór no Ensinu non Superiór hodi halo revizaun no nia deskritorius sira husi nível 1 to’0 4 no 5 to’o 6 ne’ebé mak determinadu ona.
Tuir plano, iha faze tuir mai ekipa sei halo aprezentasaun relatório ba iha ekipa Jurista husi Instituisaun Ha’at mak hanesan: ANAAA, INDMO, SEFOPE no Ministériu Ensinu Superiór, Siénsia no Kultura rasik, hodi hare ba revizaun Diploma Legal hatur tuir baze ba Dekretu Lei, No. 36/2011, de Agostu kolia kona-ba, Estabelesimentu Kulifikasaun Framework Timor-Leste nian.
Portanto, hola parte iha sesaun sorumutu ida ne’e, Diretora Jeral Ensinu Superiór no Siénsia, Sra. Maria Filomena Lay Guterres, Koordenador (CUIS – Sigla Portugés), Dr. Edmundo Viegas, Diretor Ezekutivu ANAAA, Dr. Nilton Paiva, Diretora Ezekutivu INDMO, Sra. Isabel Fernandes de Lima, no reprezentantes téknikus sira husi Instituisaun relevantes sira.
