by Díli, 18 Novembru 2025: Parlamentu Nasionál ohin aprova iha faze espesialidade Proposta Lei Orsamentu Jerál Estadu (OJE) ba tinan 2026 ba Ministériu Ensinu Superiór, Siénsia no Kultura (MESSK), ho montante total 6.262.271 USD. Votasaun remata ho 43 votu a favór, 0 kontra no 21 abstensaun.
Distribuisaun Orsamentu:
- Saláriu no vensimentus: 3.141.797 USD
- Bens no Serbisu Korrente: 1.390.474 USD
- Transferénsia Públika: 1.500.000 USD
- Kapitál Menor: 150.000 USD
- Kapitál Dezenvolvimentu: 80.000 USD
Tuir Livru OJE 2026, orsamentu MESSK sei implementa liu husi Programa rua — Funsionamentu no Dezenvolvimentu Institusionál no Ensinu Superiór — ho prioridade estratéjika hirak ba tinan oin:
- Atribuisaun subvensaun públika ba Instituisaun Ensinu Superiór privadu sira, hodi hadia kualidade hanorin.
- Hari’i Eskola Doutorál, hodi fó reforsa formasaun avansadu no kualifikasaun dosente sira iha ensinu superiór.
- Hari’i Eskola Superiór Otelaria no Turizmu iha Lospalos no Eskola Superiór ba Estudu no Investigasaun Kafé iha Ermera.
- Formasaun Lian Portugés ba dosente sira husi IES privadu sira.
English 
Portuguese