by 
Díli, loron 01 fulan Setembru 2025 – Ministériu Ensinu Superior, Siénsia no Kultura (MESSK) hala’o serimónia ofisiál ida iha Salaun Nobre Ministériu Negósius Estranjeirus no Kooperasaun (MNEK) atu asina Memorandu Entendimentu ho Fundu Populasaun Nasoens Unidas (UNFPA).
Memorandu Entendimentu ne’e asina husi Diretóra-Jerál Ensinu Superiór no Siénsia, Sra. Maria Filomena Lay Guterres ne’ebé reprezenta Ministériu, no husi reprezentante UNFPA iha Timor-Leste, Sra. Navchaa Suren. Serimónia ne’e mos akompaña husi Sua Exa. Ministru Ensinu Superior, Dr. José Honório, no Embaixadór husi Tailândia ba Timor-Leste.
Objetivu prinsipál husi akordu ida ne’e mak atu estabese kooperasaun no haforsa parseria entre UNFPA ho MESSK, ho fó prioridade atu hadia kualidade ensinu obstetrísia (parteiras) iha Timor-Leste, hodi kontribui ba hadia kualidade no kapasidade jeral husi forsa traballu nasionál iha área saúde.
Partisipa mos iha serimónia ne’e Dirijente sira husi MESSK, representante husi UNFPA, membru korpu diplomátiku, hanesan mos funsionáriu tékniku no asesór sira husi Ministériu.
#Media_MESSK
English 
Portuguese