𝐓É𝐊𝐍𝐈𝐊𝐔 𝐌𝐄𝐒𝐒𝐊 𝐇𝐀𝐋𝐎 𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐓É𝐊𝐍𝐈𝐊𝐀 𝐊𝐎𝐍𝐀-𝐁𝐀 𝐊𝐎𝐌𝐏𝐄𝐓𝐈𝐒𝐀𝐔𝐍 𝐊𝐎𝐍𝐊𝐔𝐑𝐒𝐔 𝐏𝐑𝐎𝐏𝐎𝐒𝐓𝐀 ´´𝐃𝐀𝐋𝐀𝐍 𝐁𝐀 𝐈𝐆𝐔𝐀𝐋𝐃𝐀𝐃𝐄` 𝐁𝐀 𝐈𝐍𝐒𝐓𝐈𝐓𝐔𝐈𝐒𝐀𝐔𝐍 𝐄𝐍𝐒𝐈𝐍𝐔 𝐒𝐔𝐏𝐄𝐑𝐈Ó𝐑 𝐒𝐈𝐑𝐀

Díli, 05/07/2024: Ekipa tékniku husi Diresaun Jerál Planeamentu no Finansas no Unidade Parseria no Kooperasaun, lideradu husi Xefe departamento Parseria no Kooperasaun, Sr. António de Jesus, hamutuk ho tékniku komisaun organizadora, hala’o sorumutu tékniku iha salaun MESSK, hodi aprezenta kona-ba Kompetisaun Konkursu Proposta ´´Dalan ba Igualdade`, ne’ebé mak oferese Eskluzivu ba Instituisaun Ensinu Superiór sira iha Timor-Leste, hodi promove Igualdade Jéneru iha Instituisaun Ensinu Superiór sira.

Sesaun sorumutu ne’e, hafahe ba iha parte rua (2), iha sesaun dader, ekipa tékniku halo sorumutu ho ekipa júri ba iha konkursu ida ne’e nian, ne’ebé mak kompostu Ministériu rasik no mos delegasaun husi Sekretária Estadu Igualdade nian. No iha Sesaun lokraik, nian komisaun kontinua halao sorumutu ho reprezentante delegasaun husi Instituisaun Ensinu Supérior sira. Ho nia objetivu husi sorumutu sira ne’e, atu hodi halo aprezentasaun téknika kona-ba regras no prossedimentu sira ne’ebé elejível iha konkursu refere, inklui mos kona-ba objetivu no prossesu husi konkursu ida ne’e rasik.

Portantu, Kompetisaun proposta ida ne’e, hanesan konkursu ne’ebé maka Ministériu Ensinu Superiór, Siénsia no Kultura, Servisu hamutuk ho Sekretária Estadu Igualdade, hakarak loke eskluziva ba IES sira atu konkore ho proposta implementasaun no atividade sira ne’ebé mak Universidade ou Institutu sira implementa hodi promove assuntu Jeneru iha sira nia Ambiente Universidade rasik.

Hola parte iha sesaun sorumutu rua (2) refere, kompostu husi, Sesaun dader reprezentante husi Sekretaria Estadu Igualdade, representante husi departamento Formasaun – MESSK, tekniku husi URP, UPC, no DGPF. Iha sesaun lokraik, kompostu husi representante sira husi Instituisaun Ensinu Superiór sira hanesan, UNITAL, IOB, UNPAZ, IFFS, IPB, UCT, ISJB, ICS, DIT no IBTL.