PROGRAMA BOLSA ESTUDU KOMPLETU – Ministério do Ensino Superior, Ciência e Cultura (MESCC)Timor-Leste Tinan Akadémiku 2026/2027

Ministério do Ensino Superior, Ciência e Cultura (MESCC) Timor-Leste, hahu loke programa bolsa estudu kompletu ba Tinan Akadémiku 2026/2027, nível  Mestradu iha nasaun Nasaun Indonesia ho vaga 2 iha area estuduFood Science and Tecnology at the Faculty of Agricultura Tecnology, Universitas Gadjah Mada (UGM), Indonesia.

A. KRITERIA APLIKASAUN:

• Kriteria Jerál

1. Tenki sidadaun Timorense
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur
3. La iha rejistu ba kazu kriminál ka ezekusaun sivíl hosi tribunál kontra kandidatu
4. Seidauk hetan bolsa hBusi governu Timor-Leste ka parseiru nasaun seluk (iha momentu mai aplika bolsa ida ne’e)
5. Kandidatu ba programa: Nível Mestradu ne’e ho idade 45 mai kraik, remata ona lisensiatura

• Kritériu Espesífiku

1. Portador diploma lisensiatura ka ekivalénsia, aneksa ho transkirsaun notas no certidão de habilitação legalizado;
2. Tenki iha koñesimentu Jerál adekadu ho área ne’ebé hili ba espesializasaun iha Mestradu nian.
3. Tenki domina lian Ingles no Indonesia iha nível ko’alia, hakerek no rona ho diak;
4. Iha valór médiu mínimu 3,00 ba eskola iha Universidade Gadjah Mada-Indonesia consideravelmente equivalente História Escolar ka Trankrisaun Valór ikus programa Licensiatura;
5. Ba kandidatu ne’ebé servisu ona iha Administrasaun Públika Estadu no mos Setór Privadu tenki hetan rekomendasaun hosi superior hierárkiku fatin servisu nian atu bele konkore ba vaga Mestradu;

B. SEI LABELE APLIKA BA BOLSA NE’E NO LABELE SAI BOLSEIRU, BAINHIRA:

1. Ema ne’ebé iha ona diploma hosi estabelesimentu ensinu superiór hanesan iha nível Diploma Lisensiatura iha área seluk ne’ebé la koresponde ho kursu ne’ebé mak oferese;
2. Ema ne’ebé Eis Bolseiru, uluk estuda iha rai li’ur tuir programa Governu Timor-Leste rasik ka parceria Timor-Leste ho rai seluk maibé La susesu no lakon bolsa;
3. Ema ne’ebé mak eis bolseiru susesu iha programa bolsa estudu Governu Timor-Leste nian rasik ka parceria ho rai seluk, hetan esperiénsia servisu iha Administrasaun Públika maibé la hetan rekomendasaun hosi superior hierárquico iha fatin servisu ba Administrasaun Públika nian;
4. Funsionáriu permanente Estadu nian ne’ebé la hetan rekomendasaun hosi superior hierárkiku;
5. Timor-oan ne’ebé mak hetan pena iha kazu civil ka kriminal tuir akordaun Tribunal nian ka hetan aplikasaun TIR;
6. Ema ne’ebé hetan moras HIV/SIDA, TBC, ASMA, EPILEPSIA, moras sira ne’ebé facilmente transmissível no, conforme esperiénsia comum médiku nian, gravemente prejudika desempeñu estudante ida nian iha prosesu estudu;
7. Timor-oan ne’ebé hetan espulsaun eh deportasaun husi Nasaun ruma bazeia razaun saída deit;
8. Ema ne’ebé hetan ona demisaun husi Komisaun Funsaun Públika.

C. DOKUMENTU APLIKASAUN:

Dokumentu obrigatóriu ne’ebé tenki submete iha períodu kandidatura nian mak hanesan tuir mai ne’e:

1. Formuláriu aplikasaun kompletu tuir aprovasaun hosi servisu Ministériu Ensinu Superior, Siênsia no Kultura-MESSK responsável ba bolsa estudu  
2. Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál hosi MESCC ne’ebé hetan ona akreditasaun)
3. Fotokópia Passaporte Valido (karik iha)
4. Sertidaun Moris RDTL, Tradusaun iha lian Ingles bain hira liu  bolsa presija Notariadu husi Ministériu Justisa
5. Kartaun Elitoral no Bilete Identidade Kandidatu nian
6. Boletim de Registu Kriminal; no Tradusaun iha lian Ingles, bain hira liu ona bolsa presija Notariadu hosi Ministériu Justisa
7. Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak asina; Tradusaun iha lian Ingles
8. Fotokópia Sertifikadu kualifikasaun iha lian lian Ingléz no bahasa Indonesia (karik iha)
9. Curriculum vitae asina no testamuña husi ema nain rua (Assinatura original kandidatu no testamuña); Uja lian Ingles
10. Atestadu Mediku husi HNGV ka Hospital Referal (aneksa ho nia resultadu analisa);Tradusaun iha lian Ingles; bain hira liu  bolsa mak submete
11. Karta Rekomendasaun husi Supervizór fatin serbisu nian ka hosi Universidade  (Assinatura no karimbo original); Uja lian Ingles;
12. Esbosu proposta planu peskija nian, Numeru pagina livre; Tipo Letra Time New Roman ; Tomanho 12 ba konteudu; Tomanho 14 ba Titlu no Subtitlu; Espaçu 2; Uja lian Ingles;

D. PROSESU KANDIDATURA

1. Formuláriu Aplikasaun bele asesu iha Pajina Ministério do Ensino Superior, Ciência e Cultura (MESCC), (Hanehan Link ida ne’e : https://mescc.gov.tl/wp-content/uploads/2026/04/FORMULARIU-APLIKASAUN-BA-BOLSA-ESTUDU.pdf )
2. Informasaun klaru bele mai diretamente iha UPC-MESCC,  Avenida Marginal no. 4 Colmera – Dili, Timor-Leste, iha oras serbisu nian
3. Kalendáriu Prosesu Kandidatura ba Universidade Gajamada Indonesia

https://mescc.gov.tl/wp-content/uploads/2026/04/Bolsa-Estudu-Kompletu-MESC-UGM-2026-2027.pdf

Mak ne’e deit, ba ita bo’ot sira nia atensaun ami hato’o, obrigadu wain.!