Ministériu Ensinu Superiór, Siénsia no Kultura, liuhosi Diresaun Jerál Ensinu Superiór no Siénsia, realiza tiha eventu ba Diskursu Públiku ho tema “Dezafiu no Oportunidade iha Ensinu Superiór Timor nian, iha Era Pandemia COVID-19” iha ámbitu hodi Komemora Loron Nasionál Ensinu Superiór nian no Loron Mundiál Siénsia ba Pás no ba Dezenvolvimentu. Eventu ne’e, hala’o iha…
Sua Exelénsia Ministru Ensinu Superiór, Siénsia no Kultura (MESSK), Longuinhos dos Santos, partisipa iha Reuniaun Konsellu Ministrus ne’ebé lidera husi S. Exa. Primeiru-Ministru, Taur Matan Ruak, iha Palásiu Governu.
S. Exa. Ministru Ensinu Superiór, Siénsia no Kultura (MESSK), Longuinhos dos Santos, hala’o asinatura akordu pagamentu ho Instituisaun Ensinu Superior públiku no privadu sira hodi implementa izensaun pagamentu propinas ba semester par nian.Partisipa iha serimónia assinatura ida-ne’e Magnífiku Reitór no Prezidente sira husi Instituisaun Ensinu Superior públiku no privada sira, hamutuk sanulu resin ne’en (16).
S. Exa. Ministru Ensinu Superiór, Siénsia no Kultura, (MESSK), Longuinhos dos Santos, hala’o abertura ba Semináriu kona-ba aprezentasaun rezultadu Peskiza Siéntifiku ne’ebé hetan apoiu husi Institutu Nasionál Siénsia no Teknologia (INCT, sigla portugés) iha tinan 2021. Semináriu ne’ebé hala’o durante loron ida, iha Salaun Delta Nova, no hetan partisipasaun husi S. Exa. Ministru Edukasaun, Juventude…
