DÍLI, 22 SETEMBRU 2021: S. Exa. Ministru Ensinu Superior, Siensia no Kultura, (MESSK), Longuinhos dos Santos akompaña ho S. Exa. Ministru Obras Públikas (MOP), Salvador Eugénio Soares dos Reis Pires, atualiza prosesu harii Sidade Universidade Aileu ba S. Exa. Primeiru-Ministru (PM), Sr. Taur Matan Ruak, iha Palásiu Governu.
Iha enkontru ne’e, Sr. Ministru MESSK halo aprezentasaun prelimanáriu ida ba Sr. Primeiru-Ministru kona-ba rezultadu estudu viabilidade no iha ona dezeñu final ba Sidade Universidade Aileu nian, no sei iha prosesu preparasaun Bill of Quantity (BoQ).
Ba faze konstrusaun sei halo uluk libertasaun tereñu, fó indeminizasaun ba komunidade afetadu sira antes lansamentu fatuk dahuluk ba projetu refere.
