by 
Aileu, 29/07/2024: Ministériu Ensinu Superiór, Siénsia no Kultura, liuhusi Diresaun Nasional Rekursu Umanu (DNRH), ho kooperasaun servisu hamutuk ho Institutu Nasionál Administrasaun Públika (INAP – Sigla Portugés) realiza atividade formasaun ba Kagus dirijentes no xefias sira husi divisaun sira ne’ebé mak existe iha Ministériu, ne’ebé mak realiza iha Polo ISC, Munisipiu Aileu Villa.
Atividade refere hanesan mos planu anula 2024 husi Diresaun Nasional Rekursu Umanu nian, ne’ebé mak realiza ho objetivu atu hodi fo formasaun no kapasitasaun ba iha kargus dirijentes no xefias sira husi Ministériu, hodi kumpriende di-di’ak kona-ba, lideransa ho nia lalaok, karakteristika no dimensaun sira, ne’ebé mak bele kontribui ba efetividade no kualidade prestasaun servisu husi kagus dirijentes sira nian wainhira ezerse sira nia funsaun, nudar kagus xefias iha Ministériu rasik.
Formasaun refere loke ofisial husi S. Exa. Ministru Ensinu Superior, Siénsia no Kultura, Dr. José Honório, iha loron 29 Jullu 2024, ne’ebé mak tuir planu, formasaun refere sei realiza durante semana ida nia laran, hahu husi Segunda-Feira, 29 jullu 2024 to’o Sexta-feira, 02 Agostu 2024, iha Polo ISC Aileu.
Portantu, formador sira ne’ebé mak fo formasaun iha atividade ida ne’e, mai husi tékniku sira husi Institutu Administrasaun Públika (INAP), no partisipantes sira mai husi MESSK rasik.
