ASESU INGRESU BA ENSINU SUPERIOR PÚBLIKU (UNTL & IPB)

Ministériu Ensinu Superiór Siénsia no Kultura liu husi Komisaun Asesu Ensinu Superiór Públiku tinan 2025 servisu hamutuk ho Universidade Nasionál Timor Lorosa’e (UNTL) no Institutu Politékniku Betano (IPB), hahú simu estudante foun husi rejime espesial ho nia sub-rejime espesial hamutuk sanulu resin neen (16) hahú husi loron 27 to’o 31 fulan Outubru tinan 2025 iha resintu Edukasaun Munisipal no fatin destinadu sira seluk tuir nia sub-rejime espesial.

Bazeia ba (Diploma Ministerial N.º 20/2025 de 09 de Julho) Artigo 14.º Sub rejime espesial mak Ministériu Ensinu Superiór Siénsia no Kultura liu husi Komisaun Asesu Ensinu Superiór Públiku ba tinan akadémiku 2026 hahú hala’o rejistu ba kandidatu ba rejime espesial ho nia sub rejime mak hanesan tuir mai:

1. Oportunidade
2. Veteranu
3. Veteranu nia oan no Mártir nian oan
4. Hakbi’it
5. Kandidatu sira ho defisiénsia fízika no sensorial komprovadu tiha ona
6. Pratikante desportista (desportista alta rendimentu)
7. Kandidatu sira ne’ebé remata Ensinu Sekundáriu iha Eskola Internasionál sira iha Timor-Leste
8. Sidadaun sira Timor oan ne’ebé remata ensinu sekundáriu iha rai-liur
9. Sidadaun sira estranjeiru ne’ebé remata tiha ona ensinu sekundáriu
10. Diplomata (Timor oan sira-ne’ebé hala’o misaun iha rai-liur ka Timor-Leste) no ninia família
11. Diplomata Estranjeiru sira-ne’ebé hala’o misaun iha Timor-Leste no ninia família.
12. Kandidatu sira-ne’ebé remata tiha ona kursu Ensinu Superiór
13. Kandidatu sira ho idade 23 ba leten, maske la remata ensinu sekundáriu
14. Ofisiál sira husi kuadru permanente FALINTIL – Forças de Defesa de Timor-Leste (F-FDTL).
15. Ofisiál sira husi kuadru permanente Polícia Nacional de Timor-Leste (PNTL).
16. Kandidatu atu asesu ba IPB hare husi nia residensia (Munisípiu Aileu, Ainaro, Covalima, Manatuto, Manufahi no Viqueque).

Rekezitu no dokumentu kompletu bele hare iha kuadru avizu mak hanesan tuir mai (Hanehan Link okos):

https://mescc.gov.tl/wp-content/uploads/2025/09/AVIZU-AESP-2026-pdf.pdf

• Kandidatu sira sei hala’o inskrisaun tuir ida-idak nia sub-rejime espesial;
• Informasaun klaru bele kontaktu ba númeru telefone (78592672, 77948672, 77945414).