by 
Iha loron Tersa-Feira, 13 Agostu 2024, liu ba, Gabinete Inspesaun no Auditoria (GIA – Sigla Portugés), lideradu husi Inspetor Jeral MESSK, Sr. Domingos Barros, halo’o sorumutu ho Vise reitor, Instituto Ciência de Saude (ICS), Sr. Adelino Nuno da Conceição, ho nia estrutura iha, salaun reuniaun MESSK, Colmera Díli, hodi apresenta rezultadu fiskalizasaun kona-ba ICS nian.
Objetivu husi sorumutu refere, atu apresenta relatoriu rezultadu fiskalizasaun ne’ebé mak ekipa husi Gabinete Inspesaun, halao iha loron 21 Juñu 2024, iha Instituto Ciência da Saude (ICS), relativamente kona-ba identifikasaun nesessidade sira ne’ebé mak, presiza atu mellora, prinsipalmente ba iha Garantia Kualidade Interna nia, hanesan efisiensia no efikasia ba prossesu aprendijazem no seluk tan, hodi bele assegura nia kualidade.
Portantu, estrutura ICS, hato’o agradesimentu ba iha Inspesaun Jeral Ministériu nian ne’ebé maka, halo ona identifikasaun ba iha difisiensias balun ne’ebé mak existe iha ICS rasik, no promete sei mellora tuir regras no prossedimentus ne’ebé mak iha.
