by Komisaun Organizadora ba Konkursu Proposta ´´Dalan ba Igualdade“, Ministériu Ensinu Superiór, Siénsia no Kultura, Servisu hamutuk ho Sekretaria Estadu Igualdade, liuhusi Diresaun Jeral Planeamentu no Finansas, hakarak anunsia ba Publiku, manan Nain ba ´´Konkursu Proposta Planu no Atividade Implementasaun Assuntu Igualdade Jeneru Iha Instituisaun Ensinu Superiór sira“, ne’ebé mak destinadu ba Instituisaun Ensinu Superiór sira iha Timor-Leste.
Konkursu refere loke hahu husi Loron 8 to’o 21 Jullu 2024, hodi fo Oportunidade Instituisaun Ensinu Superiór sira hotu iha Timor-Leste atu konkore, ho sira nia planu no atividade ne’e mak iha ligadu ho assuntu Igualdade Jeneru.
Klik Link Anunsiu Konkursu 06/07/2024 : ANUNSIU KONKURUS PAJINA FACEBOOK MESSK
Resultadu husi Manan nain ba konkursu ida ne’e hanesan tuir mai ne’e, husi Universidade no Instituto ho nia Responsavel ba proposta nian:
- I Lugar: Universidade da Paz: Sr. Marito de Araújo
- II Lugar: Instituto Politécnico Betano: Sra. Frangelina da Costa Xavier
Manan nain ba iha konkursu refere, sei hetan oportunidade formasaun kurtu tempu iha Universidade Warmadewa, Bali Indonesia, hodi bele kontribui di’ak liu tan ba hasae sira nia abilidade, liu-liu ba kualidade implementasaun atividade ne’ebé mak sira defini iha sira nia proposta no sira nia Instituisaun rasik.
Ministériu Ensinu Superiór, Siénsia no Kultura, hakarak hato’o Parabéns ba manan nain sira no mos agradese wain mos ba konkorente sira husi Instituisaun Ensinu Superiór sira seluk, ne’ebé mak partisipa mos iha konkursu refere, no nafatin enkoraja hodi bele partisipa iha atividade hanesan no seluk ne’ebé mak sei loke tuir mai.
(Nota: Husu ba manan nain sira, hodi hein kontaktu tuir mai husi Komisaun atu prepara ba fase tuir mai ne’ebé mak defini ona iha TOR laran)
