by Diresaun Nasionál Ensinu Superiór no Siénsia hosi Ministériu Ensinu Superiór, Siénsia no Kultura, halo abertura ba Taxa Ensinu Superiór CUP (Edisaun II), ba ambitu selebrasaun Loron Nasionál Ensinu Superiór nian, iha salaun Desportu Institutu Superiór Cristal Balidi, Díli.
Objetivu husi eventu ida-ne’e, atu kria amizade no armonia entre universitáriu sira, liuhosi atividade desporto nian, no hodi bele kontribui ba pás no estabilidade iha rai-laran.
Aleindé ne’e, desportu hanesan mós meiu ida ne’ebé kontribui ba hadi’ak saúde, liuliu ba saúde fízika nian.
Taxa Ensinu Superiór CUP ida-ne’e, fahe ba modalidade rua, hanesan iha modalidade Futsal ba Mane no Modalidade Voleibol ba Feto no Mane.
Estudante sira hosi Instituisaun Ensinu Superiór Privadu no Publiku iha territóriu Nasionál partisipa iha eventu ida-ne’e.
Iha Sesaun abertura ida-ne’e, loke ofisiál ho jogu modalidade voleibol ba mane, entre Ekipa husi Instituto São João de Brito (ISJB) kontra Ekipa husi Instituto Superior Cristal (ISC).
Eventu ne’e, loke ofsiál husi Diretora Jerál Ensinu Superiór no Siénsia, Maria Fernanda Lay Guterres, hamutuk ho Estrutura husi Instituto Superior Cristal (ISC), no hetan partisipasaun husi estudante no reprezentante Instituisaun Ensinu Superiór nian.
