𝐖𝐎𝐑𝐊𝐒𝐇𝐎𝐏 𝐀𝐒𝐂𝐂-𝐀𝐓𝐑𝐏𝐏 𝐓𝐑𝐀𝐈𝐍𝐈𝐍𝐆 𝐀𝐍 𝐄𝐃𝐔𝐂𝐀𝐓𝐈𝐎𝐍 𝐘𝐎𝐔𝐓𝐇 & 𝐒𝐏𝐎𝐑𝐓𝐒

Dili, 04/03/2024: Ekipa ida hosi Ministériu Ensinu Superiór, Siénsia no Kultura, kompostu hosi dirijente, xefia no tékniku sira, partisipa tiha iha workshop ‘’ASEAN SOCIO-CULTURAL COMMUNITY (ASCC), ASEAN TRAVELING RESOURCE PERSONS PROGRAMME (ATRPP), Training an Education, Youth and Sports”, ne’ebé hala’o hosi loron 4 to’o 6 marsu fula ida-ne’e, iha salaun MSSI, iha Caicoli, Dili.

Organizasaun lokál ba eventu ne’e responsabiliza hosi Governu nia órgaun tolu ne’ebé envolvidu iha área sira ne’ebé atu hala’o formasaun ba, mak hanesan Ministériu Edukasaun (ME), Ministériu Juventude, Desportu, Arte no Kultura (MJDAC) no Ministériu Ensinu Superiór, Siénsia no Kultura (MESSK).

Workshop ida-ne’e hala’o tiha ho objetivu atu prepara Estadu nia funsionáriu sira hodi Timor-Leste adere-an ba ASEAN, liuliu hetan koñesimentu sira kona-ba prosedimentu no benefísiu sira ba país iha setór Edukasaun, Juventude no Desportu, bainhira to’o tempu ne’ebé Timor adere-an loloos nu’udar membru permanente.

Iha eventu ida-ne’e partilla mós informasaun sira kona-ba oportunidade ne’ebé fó ba Timor-Leste iha setór hirak-ne’e rasik, mak hanesan formasaun no kapasitasaun ba rekursu umanu no oportunidade sira ba bolsa estudu, interkámbiu ba foinsa’e sira no posibilidade formasaun profisionál iha área konkreta sira ba Edukasaun, Juventude no Desportu.

Formadór sira ba workshop ne’e, ne’ebé mai rasik hosi Sekretariadu Jerál ASEAN nian.

Partisipa tiha iha workshop ne’e kolaboradór oioin hosi Ministériu tolu ne’ebé destinadu ba formasaun ne’e, mak hanesan, ME, MJDAK no MESSK.