𝐌𝐈𝐍𝐈𝐒𝐓𝐑𝐔 𝐄𝐍𝐒𝐈𝐍𝐔 𝐒𝐔𝐏𝐄𝐑𝐈Ó𝐑 𝐇𝐀𝐋𝐀𝐎 𝐒𝐎𝐑𝐔𝐌𝐔𝐓𝐔 𝐇𝐎 𝐄𝐌𝐁𝐀𝐗𝐃𝐎𝐑𝐀 𝐑𝐄𝐏𝐔𝐁𝐋𝐈𝐊𝐀 𝐏𝐎𝐏𝐔𝐋𝐀𝐑 𝐗𝐈𝐍𝐀 𝐍𝐎 𝐑𝐄𝐈𝐓𝐎𝐑 𝐔𝐍𝐓𝐋

Díli, 03/09/2024: S. Exa. Ministru Ensinu Superiór, Siénsia no Kultura, Dr. José Honório, halo Sorumutu ho Embaxadora Republica Popular Xina, S. Exa. Sra. Wang Wenlino ho nia Ekipa Inklui ho magnifiku Reitor Universidade Nasional Timor Loro Sa’e (UNTL), iha sala reuniaun MESSK, Colmera Díli.

Objetivu husi Sorumutu Ida ne’e, atu hodi kolia kona-ba area Kooperasaun ho Ministériu Ensinu Superiór, Siénsia no Kultura nian, liu-liu ba iha apoio sira ne’ebé mak governu Xina sei atribui ba iha Ensinu Superiór sira, hanesan oferta Bibleoteka ne’ebé mak, Governo Xina, liuhusi nia Embaixada sei oferese ba iha Universidade Nasional Timor-Lorosa’e (UNTL).

Portanto, ho prezensa husi futuru Bibleoteka ne’ebé mak oferese husi governu Xina refre, bele apoio diak liu tan, ba iha progressu husi UNTL nian, liu-liu bele tulun estudante sira nia necessidade atu hodi bele aprende diak liu tan.

Hola parte iha sesaun sorumutu ida ne’e, S. Exa. Ministru Ensinu Superiór, Siénsia no Kultura, Dr. José Honório, S. Exa. Embaixadora Xina, Sra. Wang Wenlino ho nia ekipa, Magnifiku Reitor UNTL, Dr. João Soares Martins, no akompaña husi Xefe Gabinete MESSK, Sr. José Boavida, no tékniku sira husi MESSK.