by Díli, 27 Maiu 2024: S. Exa. Ministru Ensinu Superior, Siénsia no Kultura, Dr. José Honório, lidera diskusaun ho Membru CUIS (Sigla- Portugés) iha Salaun Enkontru MESSK, Colmera-Dili, hodi diskuti opiniaun kona-ba nota konseptual programa prinsipal 4 CUIS nian.
Objetivu husi sorumutu ida ne’e atu hodi rona no diskuti opiniaun husi membru CUIS sira hotu kona-ba nota Konseptual CUIS nian ne’ebé mak hamutuk programa prinsipal 4, ne’ebé mak sei servi nudar modelo asisténsia prinsipal governu nian atu hasae kualidade setor ensino superior Nasional.
Portanto, programa prinsipal 4 ne’e kompostu husi, (1) Plano Asaun Anual ba fundu Subvensaun Publika ne’ebé sei apoio IES Privadu 17 iha Timor-Leste. (2) Formasaun Professores sira.
(3)Halo Estudu ba Merkadu ligadu ho aliñamentu kontribuisaun husi Ensinu Supérior nian. (4) Halo Analiza Situasaun ba Edukasaun.
Hola parte iha sesaun reuniaun ida ne’e, Diretor Jeral nain rua husi Ministériu rasik, koordenador CUIS, membru CUIS, reprezentantes husi Instituisaun Ensinu Supérior 17 ne’ebé mak sei sai benefisiáriu ba Subvensaun Publika ne’e no entidade relevantes sira.
