by 
Díli, 19/06/2024: Ekipa husi Gabinete Inspesaun no Auditoria (GIA), liderado husi Inspertor Jeral – Ministériu Ensinu Supérior, Siénsia no Kultura, Sr. Domingos Barros, ne’ebé mak akompañadu husi tekniku sira husi GIA, halo observasaun ba Universidade Katolika hodi fiskaliza atividade no operasionalidade funsionamentu husi Instituisaun enisnu supérior privadu refere.
Objetivu husi fiskalizasaun ida ne’e rasik, atu hodi observa no hare direta kondisaun, atividade no operasionalidade ne’ebé mak funsiona iha Universidade Katolika, liu-liu ba kondisaun fasilidade suporte sira ne’ebé apoio ba prossesu aprendizagem sira, rekursu umanu no mos sistema ne’ebé mak atualmente utiliza husi Instituisaun Ensinu Supérior refere rasik.
Aleinde, obsevasaun ba assuntus hirak ne’ebé mensiona iha leten, objetivu seluk maka hakarak atu aproxima ba universidade sira hodi rona, rekomendasaun no desafius sira ne’ebé mak universidade refere rasik enfrenta liu-liu ba iha necessidade ne’ebé mak suporte ba prossesu operasinalidade no funsionementus sira.
Portanto iha atividade ne’e, inspetor hateten katak ´´Universidade Katolika rasik, hanesan Universidade foun ne’ebé ho nia existensia seidauk kleur, maibe demostra ona nia progresso, ne’ebé mak significante, liu-liu iha rekursu ne’ebé mak suficiente atu apoio ba iha operacionalidade no funsionamentu husi Instituisaun ida ne’e nian“.
