by 
Ministru Ensinu Superior, Siénsia no Kultura Timor-Leste nian, Sua Exa. Dr. José Honório, akompñadu husi Diretor-Geral Planeamentu no Finansas, Sr. Hernâni Viterbo da Costa Soares, ho sira nia ekipa, partisipa iha ´´20ª Enkontru Ministerial ASEAN kona-ba Siénsia, Téknika no Inovação (AMMSTI-20)“ iha Siem Reap, Kambódia. Partisipasaun ne’e hanesan dedikasaun Timor-Leste nian ba avansu kolaborasaun siéntifika no téknika iha komunidade ASEAN nian.
Ne’ebé ho nia objetivu atu promove partisipasaun no troka koñesimentu, partisipasaun Timor-Leste iha AMMSTI-20, hanesan signifikadu importansia bo’ot ida, ne’ebé alinha ho esforsu ASEAN nian atu promove siénsia, teknolojia no inovasaun. Timor-Leste mos hakarak aproveita esperiénsia no rekursu rejionál nian hodi bele kontribui ba nia progressu no prossesu dezenvolvimentu nian. Aleinde ne’e hodi bele estabelese kontaktu, aprende koñesimentu boas prátika sira, asesu ba finansiamentu no asisténsia téknika krusial atu kontribui ba progresu sira hanesan iha area edukasaun, investigasaun no diversifikasaun ekonómika.
