𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐍𝐎 𝐃𝐄𝐁𝐀𝐓𝐄 𝐉𝐄𝐍𝐄𝐑𝐀𝐋𝐈𝐃𝐀𝐃𝐄 𝐋𝐄𝐈 𝐁𝐀𝐒𝐄 𝐄𝐍𝐒𝐈𝐍𝐔 𝐒𝐔𝐏É𝐑𝐈𝐎𝐑

Dili, 28/05/2024: Sua Exa. Ministru Ensino Superior, Siensia e Kultura, Dr. José Honório, hamutuk ho Ekipa tekniku sira, halo aprezentasaun Propposta Lei Base Ensinu Supérior No. 5/VI(1ª), ba iha Parlamentu Nasional ba fase jeneralidade nian.

Sesaun debate ida ne’e, ho nia rezultadu Final votasaun ne’ebé vota husi membro Parlamentu Nasional maka, ho total Votasaun afavor 40, Vota Contra 4, no Abstensaun 11.

Atualmente Lei ne’ebé mak utiliza hodi regula Instituisaun Ensinu Supérior sira iha Timor-Leste, sei cabe hamutuk Lei No. 14/2008, 29 Outubro, Kona-ba Lei base Edukasaun. Ne’ebé mak fo biban atu hodi halo mos regulasaun no Implementasaun ba programas no politikas sira iha setor Ensinu Supérior nian.

Portanto ho nuene’e maka, hare ba margens desafius ne’ebé atual existe hanesan pessu no obastakulu makas ba setor Ensinu Supérior nian, liu-liu ba evolusaun ne’ebé mak iha, ho nuene’e Ministériu Ensinu Supérior, Siénsia no Kultura rasik hakarak atu halo revisaun bo separa espesifikasaun Lei ida ne’e atu hodi bele reforsa no hadia diak liu tan sistema Ensinu Supérior iha Timor-Leste, liu-liu atu hodi kria kondisaun ba produsaun rekursu Umanu ne’ebé kualidade atu aliña ho necessidade merkadu no dimensaun necessidade sira seluk.

Hafoin resultadu ida ne’e, tuir mai sei iha fase tekniku ne’ebé mak sei kontinua nafatin halo diskusaun tekniku ba alterasaun klausulas artigus balun ne’ebé mak sei diskuti hamutuk ho Parlamentu Nasional liuhusi Komisaun G, no Instituisaun relevantes sira, antes submete ba fase final global nian.