𝐌𝐈𝐍𝐈𝐒𝐓𝐑𝐔 𝐄𝐍𝐒𝐈𝐍𝐔 𝐒𝐔𝐏𝐄𝐑𝐈𝐎𝐑 𝐇𝐄𝐓𝐀𝐍 𝐕𝐈𝐙𝐈𝐓𝐀 𝐊𝐎𝐑𝐓𝐄𝐙𝐈𝐀 𝐇𝐎𝐒𝐈 𝐄𝐌𝐁𝐀𝐈𝐗𝐀𝐃Ó𝐑 𝐌𝐀𝐋Á𝐙𝐈𝐀

𝐃Í𝐋𝐈, 𝟏𝟕 𝐀𝐠𝐨𝐬𝐭𝐮 𝟐𝟎𝟐𝟑 – S. E. Ministru Ensinu Superior, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, hetan vizita kortezia husi Embaixadór Malázia nian mai Timor-Leste, 𝐀𝐦𝐚𝐫𝐣𝐢𝐭 𝐒𝐚𝐫𝐣𝐢𝐭 𝐒𝐢𝐧𝐠𝐡.

Iha soru-mutuk ne’e, embaixadór Malázia kongratula S. E. no ko’alia mós númeru estudante ne’ebé menus liu kompara ho estudante ne’ebé eskola iha Indonézia.

Iha biban hanesan, Embaixadór Malázia mós ko’alia kona-ba opsaun atu haruka estudante ba eskola iha Universidade sira iha Malázia. S. E. Ministru agradese Embaixadór Malázia ba nia vizita no mós fahe ona informasaun kona-ba númeru estudante ne’ebé kiik oan liu kompara ho Indonézia no sei ko’alia ho Diretór FDCH atu bele prevee orsamentu hodi haruka estudante balun ba eskola iha Malázia iha area importante sira.