𝐌𝐄𝐒𝐒𝐊 𝐕𝐈𝐙𝐈𝐓𝐀 𝐈𝐍𝐒𝐓𝐈𝐓𝐔𝐓𝐔 𝐁𝐎𝐀𝐕𝐄𝐍𝐓𝐔𝐑𝐀 𝐓𝐈𝐌𝐎𝐑-𝐋𝐄𝐒𝐓𝐄

𝐌𝐀𝐍𝐔𝐅𝐀𝐇𝐈, 𝟎𝟖 𝐀𝐠𝐨𝐬𝐭𝐮 𝟐𝟎𝟐𝟑 – S. E. Ministru Ensinu Superior, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, Tersa ne’e, halo vizita kortezia ba iha Institutu Boaventura Timor-Leste (IBTL), ne’ebé lokaliza iha Postu Administrativu Same.

Sr. Ministru, hatete “Ha’u-nia objetiviu vizita ne’e ba Institutu Polítekniku Betanu (IPB), maibé hanesan Ministru iha nonu Governu iha obrigasaun, bele mai IBTL hodi hasoru malu ho responsável sira”.

Iha hasoru malu ne’e, ko’alia ho Prezidente IBTL, 𝐒𝐫. 𝐑𝐢𝐚𝐤 𝐋𝐞𝐦𝐚𝐧, hodi rona sira-nia difikuldade atu bele aserta ho programa nonu governu, para ba futuru bele rezolve kondisaun balun.

Maibe, Sr. Ministru mós husu atu Institutu Superior sira nafatin tenke kumpre regras Ministériu Ensinu Superior nian ne’ebé iha atu nune’e bele la’o ho di’ak ba futuru.

Portantu iha vizita ne’e, Estudante ho Dosente sira iha Eskola IBTL simu Sr. Ministru ho delegasaun tuir tradisaun Munisípiu ne’e nian.