𝐒𝐞𝐦𝐢𝐧á𝐫𝐢𝐮 𝐤𝐨𝐧𝐚-𝐛𝐚 𝐉𝐞𝐬𝐭𝐚𝐮𝐧 𝐧𝐨 𝐏𝐫𝐨𝐭𝐞𝐬𝐚𝐮𝐧 𝐛𝐚 𝐃𝐚𝐝𝐮𝐬 𝐏𝐞𝐬𝐬𝐨𝐚𝐢𝐬

Ministériu Ensinu Superiór Siensia no Kultura, liuhusi Diresaun Nasionál Planeamentu Parseria no Estatístika (DNPPE), realiza semináriu ho tema “Jestaun no Protesaun ba Dadus Pessoais”, ne’ebé mak hala’o iha Sala Konferénsia Hotel Timor Díli.Objetivu husi semináriu ida-ne’e, atu habelar no transmite informasaun kona-ba, importánsia husi Jestaun no Protesaun ba Dadus Pessoais ne’ebé mak rekollidu husi Instituisaun ne’e rasik no mós instituisaun relevante sira seluk. Oradór sira ba iha semináriu refere mai husi entidade relevante sira hanesan, TIC Timor I.P., INCT, PCIC, DGE-Ministériu Finansas no Eis-Ministru Ensinu Superiór Kabu Verde.Semináriu ne’ebé hala’o durante loron ida ne’e, ofisialmente loke husi Diretór-Jerál Administrasaun no Finansas (DJAF), Sr. Hernâni Viterbo da Costa Soares, hanesan reprezentante husi S. Exa. Ministru MESSK, no hetan partisipasaun husi reprezentante Instituisaun Ensinu Superiór sira, funsionáriu husi MESSK rasik no mós husi entidade relevante sira seluk.