PROGRAMA BOLSU ESTUDU PARSIAL HOSI UNIVERSITAS NEGERI SURABAYA-INDONESIA

Ministério do Ensino Superior, Ciência e Cultura (MESCC) liu husi Unidade de Parcerias e Cooperação (UPC) informa ba publiku katak Universitas Negeri Surabaya-Indonesia (UNESA). Oferese bolsa estudu parsial ba Timor oan ho Programa Lisensiatura (S1) vaga 35, Mestradu (S2) vaga 30 no Doutoramentu (S3) vaga 25 ho total vaga refere ne’e hamutuk 90 no programa bolsu estudu refere ne’e Universitas Negeri Surabaya-Indonesia (UNESA) sei responsabiliza deit ba kustu Propinas eskolar maibe ba kustu nesecidade eskolar seluk nian ne’e sei responsabiliza husi estudante konkorente rasik,

Área estudu ne’ebe UNESA  oferese mak hanesan tuir mai ne’e:

Nivel Lisensiatura(S1) aula prezensial :     

• Biologi ema nain 5
• Bisnis Digital ema nain 5
• Teknologi Pangan dan hasil pertanian ema nain 5
• Agribisnis ema nain 5
• Pendidikan Kepelatihan olahraga ema nain 5
• Pendidikan Matematika ema nain 5
• Pendidikan Sains ema nain  5

Nivel Mestradu (S2) Half online (hasoru malu prezensial dala rua iha tinan akademika ida nia laran):           

• Pendidikan  Ekonomi ema nain 10
• pendidikan Sains ema nain 10

Nivel Mestradu (S2) full Online :

• Manajemen Pendidikan ema nain 10

Nivel Doutoramentu(S3) Half online (hasoru malu prezensial dala rua iha semester ida nia laran):

• Teknologi Pendidikan ema nain 5
• Manajemen Pendidikan ema nain 5
• Pendidikan ekonomi ema nain 5

Nivel Doutoramentu (S3) Full online :

• Teknologi Pendidikan ema nain 5
•  Pendidikan Dasar ema nain 5

Kriteria atu aplika ba bolsa refere mak hanesan:

1. Kandidatu tenki sidadaun Timor oan ho mentalidade no saude diak.
2. La iha rejistu ba kazu kriminál ka ezekusaun sivíl husi tribunál kontra kandidatu.
3. Kandidatu tenki iha Passaporte Validu
4. Kandidatu ba programa: Nível Lisensiatura ho idade 25 mai kraik no remata ona nível sekundaria, ba programa nível Mestradu ho idade 40 mai kraik no remata ona nível Lisensiatura no ba nível Doutoramentu ho idade 45  mai kraik no remata ona nível Mestradu.

Dokumentus aplikasaun

1. Fotokópia Diploma no Kaderneta Ensinu Secundariu husi 10^o, 11^o, 12^o ano, no mos pajina primeiru kaderneta nian ba nível Lisensiatura (Akompanha ho nia tradusaun iha lian Ingles) nebe legalizadu original husi Ministeriu Edukasaun.
2. Fotokópia Diploma no Transkrisaun Akademika, akompaña ho tradusaun iha lian Ingléz ba Nível Mestradu no Doutoramentu (tenki legalizadu orijinál husi MESCC ne’ebé hetan ona akreditasaun).
3. Fotokopia Sertidaun RDTL (Akompanha ho nia tradusaun iha lian Ingles).
4. FotokopiaKartaun Eleitoral, Bilete Identidade no Passaporte (validu).
5. Fotokópia Boletim Registu Kriminal (Akompanha ho nia tradusaun iha lian Ingles).
6. Atestadu Mediku husi HNGV.
7. Deklarasaun kompromisiu husi kandidatu rasik hodi selu kustu eskolar seluk, kustu vida no bilete aviaun ba mai nian.
8. Submete planu Peskija (pagina 2) ba Dotoramentu

Prosesu Kandidatura

1. Informasaun klaru bele mai diretamente iha UPC-MESCC,  Avenida Marginal no. 4 Colmera – Dili, Timor-Leste, iha oras serbisu nian no bele mos liu hosi WA Sra. Irene da Costa, ho númeru 77988198 no Sra. Lourdes dos R. V. Gonçalves ho númeru 74340051   
2. Kalendáriu Prosesu Kandidatura ba Universitas Negeri Surabaya-Indonesia (UNESA);

Mak ne’e deit, Ba ita bo’ot sira nia atensaun ami hato’o, obrigadu wain