AVIZU – Vaga Tékniku Espesializadu iha área Arkitetura no Enjeñaria Civil

Ministériu Ensinu Superiór, Siénsia no Kultura liuhosi Diresaun Nasionál Rekursu Umanu fo sai Avizu ba públiku liu-liu ba sidadaun Timor Leste atu bele mai konkore ba vaga Tékniku Espesializadu iha área Arkitetura no Enjeñaria Civil hodi fo apoiu ba implementasaun projetu prioritáriu sira iha Ministériu Ensinu Superiór, Siénsia no Kultura.

Ba sidadaun Timor Leste hotu ne’ebé iha interese ba vaga sira hanesan temi iha leten, bele mai hatama nia aplikasaun iha Diresaun Nasionál Rekursus Umanus, Ministériu Ensinu Superior, Siénsia no Kultura hahú data 20 fulan Janeiru tinan 2025 to’o loron 27 fulan Janeiru tinan 2025 iha oras 09:00 to’o 11:30 kontinua fali iha oras 14:00 to’o 16:30.

1. Karta Aplikasaun Diriji ba Prezidente Juri Señór Edgar Manuel Soares, tenke asina husi aplikante sira;
2. CV/Curriculum Vitae halo ho lian portugés, inklui detallu kontaktu, kualifikasaun no esperiénsia serbisu ne’ebé aplikavel. Presiza fornese mós naran, pozisaun no númeru telefone Referénsia na’in rua;
3. Kopia Diploma ikus tahan 1 ne’ebé legalizadu orijnál husi MESCC;
4. Kopia Kartaun Eleitór tahan 1;
5. Kopia BI tahan 1 ne’ebé válidu hela;
6. Kopia Sertidaun Moris RDTL;
7. Bom komportamentu ne’ebé maka fo sai husi Ministério Justiça (aprezenta bainhira tuir entrevista);
8. Atestadu Médiku husi HNGV (aprezenta bainhira tuir entrevista);
9. Dokumentus hotu tau iha map koor :

Mean  : ba Área Arkitetura

Verde : ba Área Enjeñaria Civil

Konkursu públiku ida ne’e sei halo liuhosi faze rua maka hanesan :

• Avaliasaun Dokumentus;
• Entrevista.

Atu hetan informasaun detallu bele konfirma ho Diresaun Nasionál Rekursu Umanu MESCC.

Maka ne’e de’it, ba Ita-boot sira nia atensaun la haluha hato’o obrigadu wa’in.

Dili, ______ Janeiru 2025

Prezidente Juri

___________________________

Edgar Manuel Soares