by 
Dili, 23/10/2024: S. Exa. Minstru Ensinu Superiór, Siénsia no Kultura, Dr. José Honório, akompañadu husi Diretor Jeral Planeamentu no Finansas, Sr. Hernâni Viterbo da Costa Soares, hamutuk ho kargus Xefias no tékniku sira husi Ministériu, halao audensia ho komisaun G Parlamentu Nasional, kona-ba relatório ezekusaun orsamentu MESSK 2024 no mos plano orasmentu ba 2025 nian, iha salaun reuniaun (Eis-Efisiu Ministeriu Finansas).
Sesaun dahuluk ne’ebé inisia ho aprezentasaun husi S. Exa. Ministru, iha nia intervensaun relata konaba Ezekusaun ba Orsamentu 2024 MESSK husi Fulan Janeiru to Fulan Outubro 2024, ho nia montante ezekutadu hamutuk tokon 9.132,072, husi total refere ho nia persentajem ezekutadu hamutuk 89%, ho nia predisaun estimativa to’o 31 Dezembru sei Ezekuta to’o 97%.
Ministru mos afirma OGE 2024 hamutuk tokon $9.1, sei aloka $5 Milloes ba fundu Subvensaun Publika ne’ebé mak sei destina atu atribui ba Instituisaun Ensinu Superiór Privada Sira, no tuir regra Ministeriu Finansas nian Sei Transfere Uluk 40% hodi hare ba Nia progresu implementasaun hafoin sei Transfere Tan 60% hodi kompleta.
Orsamentu Subvensaun ne’ebé Governu aloka refere ho Nia obzetivu hodi, atu bele atu utiliza ba reforsa necessidade husi Instituisaun Ensinu Superior Privadu sira konforme ba sira nia nesessidade hanesan: Utiliza ba reforsa infraestrutura no kompras necessidade ba estudante no dosentes sira, kapasitasuan rekursu umanu, no mos Inklui Ba Programa Formasaun Lingua Portugeza.
Portanto, Iha Planu OGE 2025 nian, Ministeriu sei halo redusaun Orsamentu tamba sei tau Prioridade ba Programa Tolu nebe sei implementa iha Tinan oin ho montante total Orsamentu Tokon $6.9 ne’ebé aloka ba MESSK.
Prioridade ne’ebé apostadu no previstu ba tinan oin mak kompostu husi.
1. Kuntinua Nafatin apoio Subvensaun Publika ba Ensinu Superior Privadu sira.
2. Planu atu Hari’i Eskola Doutoral Ida.
3. Prioridade datoluk Mak Iha Planu atu Hari’i Universidade ou Instituisaun Politeknik Ida Iha Lospalos Munisipiu Lautem iha Area Turismu no Hotelaria.
Aleinde, atu assegura continuidade ba konstrusaun edifisiu IPB Betano nian, maka ministério mos halo ona prossesu tenderizasaun ba faze foun Konstrusaun IPB Betano nian ne’ebé mak, tama ona ba faze konstrusaun Edifisiu hafoin, faze ba konstrusaun landscape ne’ebé mak previstu ona atu finaliza iha periodu tinan ida ne’e.
Programa importante seluk ne’ebé mak sei atinje iha Tinan ida ne’e mak hanesan, implementasuan sistema base dadus digital ne’ebé mak atualmente kobre ona ba dadus husi Instituisaun Ensinu Superiór hotu iha Timor-Leste ho total (19 Instituisaun Ensinus Superiór). Tuir planu iha tempu besik sei lansa ba iha publiku, atu nune’e Timor-Leste bele iha ona sistema Base Dadus Dijital ne’ebé mak bele garantia kualidade dadus husi Ensinus Superiór nian.
Seisaun ba Audensia publika refere termina ho S.Exa. Ministru, Dr. José Honório, entrega Relatorio Ezekusaun Orsamentu 2024 ba Komisaun G Parlamentu Nasional.
