ENTREVISTA KANDIDATU BOLSO ESTUDU BA UNIVERSIDADE BOROBUDUR 2024

Díli, 24/09/2024: Ekipa Juri husi Ministériu Ensinu Superiór, Siénsia no Kultura, halao entrevista ba kandidatu sira ne’ebé mak inskreve ona b atuir konkursu bolsu estudu atu kontinua sira nia estudo iha Universidade Borobudur Indonesia, ne’ebé mak tuir planu sei realiza durante loron rua (2), hahu husi loron 24 to’o 25 Setembru 2024, iha salaun MESSK, Colmera Díli.

Total kandidatu sira ne’ebé maka inskreve ba iha kandidatura hamutuk nain Tolu Nulu Resin Tolu (33), kompostu husi nível lisensiatura ho total vaga Tolu Nulu Resin Ida (31), no ba nível mestradu ho total vaga ba ema nain rua (2).

Bolso estudu refere rasik hanesan, antes ne’e anunsia ona husi Unidade Parseria no Kooperasaun iha loron 3 Setembru 2024, hodi fo oportunidade ba iha Timor oan sira, atu kontinua sira nia estudu iha Universidade refere, ho numero vagaturas ba programa nível Lisensiatura nain rua nolu (20), nivel Mestradu nain rua (2) no bolsa parsial programa nível Lisensiatura nain rua nolu (20), nivel Mestradu nain tolu (3) atu kontinua estudu iha Universitas Borobudur -Indonesia.