by 
Jakarta, 20/07/2024: S. Exa. Ministru Ensinu Superiór, Siénsia no Kultura, Dr. José Honório, akopañadu husi Gabinete Adidu Edukasaun, Komersiu, Seguransa no mos ekipa tékniku sira husi MESSK, halao sorumutu ho Instituisaun Ensinu Superiór tolu (3) iha Jakarta Hanesan, Universitas Multimedia Nusantara – Group Kompas Grandmedia, Universitas Merci Buana no Universitas Atma Jaya, iha Jakarta Indonesia, hodi responde ba konvite ne’ebé mak Instituisaun Ensinu Superiór hirak ne’e hato’o mai Ministériu.
Objetivu husi sorumutu ida ne’e, iha sesaun sorumutu ho Universitas Multimedia Nusantara – Group Kompas Grandmedia, atu hodi kolia kona-ba futuru kooperasaun ba iha area kapasitasaun rekursu umanu nian, liu-liu ba area oferta bolso estudu ba area sira hanesan turizmu no, oferta formasaun tempu badak nian, ba tekniku sira husi Ministériu ba area teknolojia informatika no Mulrimedia nian. Ho Universitas Merci Buana rasik, hodi kolia kona-ba oferta bolso estudu iha area Mestradu no Doutoramentu ne’ebé mak sei fo mai Timor oan sira hodi kontinua sira nia estudu iha Universidade refere. Ikus halao mos vizita ba iha Universidade Atma Jaya Indonesia nian.
Aleinde ne’e, oferta seluk ne’ebé mak resulta husi diskusaun ida ne’e, mak hanesan oferta bolsu estudu ba iha area espesialidade sira, kapasitasaun ba tekniku governu nian, apoiu interkambiu ba estudantes sira, publikasaun sientifika sira no mos peskiza.
