![](https://mescc.gov.tl/wp-content/uploads/2024/05/IMG_0071-1024x683.jpg)
![](https://mescc.gov.tl/wp-content/uploads/2024/05/IMG_5959-1024x683.jpg)
![](https://mescc.gov.tl/wp-content/uploads/2024/05/IMG_5976-1024x683.jpg)
Díli, 13/05/2024: S. Exa. Ministru Ensinu Supérior, Siénsia ni Kultura, Dr. José Honório, halo sorumutu ho Kandidatu no família husi Bolseiru sira ne’ebé mak selesionadu ona ba bolsa estudu Camboja nian, ne’ebé mak realiza iha iha salaun MESSK, Colmera Díli.
Objetivu husi sorumutu ida ne’e, atu hodi informa ba kandidatu bolseiru sira no nia família ligadu ho sistema edukasaun governu Camboja nian, hodi prepara diak liu tan kandidatu sira nia preparasaun antes ba kontinua sira nia estudu iha nasaun refere. Aleinde ne’e hodi informa mos ba família husi kandidatu sira nian, kona-ba regras no prossedimentus sira ne’ebé mak vigora iha programa bolso estudu ida ne’e nian, hodi inan aman sira bele kumprende no hatene didiak lalaok husi bolsa refere.
Bolseiru sira ne’e, selesionadu ona ba programa Cambodia Timor-Leste Friendship Scholarship iha tinan kotuk ne’ebé mak oferese husi Universidade Camboja ba Timor-Leste liu husi Unidade Parseria no Kooperasaun – MESSK, ho oferta vaga bolso estudu ba Timor oan nain10 atu kontinua sira nia estudu iha Nasaun Camboja, iha area sira hanesan Relasaun Internasional, Négosiu Estranjeiru, Administrsaun Eskolar no Teknolójia Informasaun.
Portanto, governo Timor-Leste rasik liu husi Ministériu Ensinu Supérior, Siénsia no Kultura, iha fulan ida liu ba selebra ona assinatura MOU ho Governo Camboja ba area Edukasaun Ensinu Supérior no teknolojia nian, ne’ebé mak sei inklui mos ba ofertas bolso de estudu sira ne’ebé mak sei oferese husi nasaun refere ba Timor-Leste hodi bele reforsa liu tan formasaun no kapasitasaun ba rekursu umanu Timor-Leste nian.
Aleinde ne’e, iha oportunidade hanesan, Ministériu mos selebra ona akordu kooperasaun ho Universidade Camboja, ba area kapasitasaun rekursu umanu nian, liuhusi oferta oportunidade bolsu estudu ba Timoroan hodi kontinua sira nia estudu iha Pais refere.
Tuir planu, antes desloka ba Camboja iha tempo besik, Candidatu sira ne’e sei tuir fali teste nível ba IELTS nian, ne’ebé mak sei oferese husi Ministériu rasik liu husi Unidade Parseria no Kooperasaun hodi kompleta rekezitus nível lingua nian antes atu integra ba iha Universidade iha Camboja.
Partisipa iha sesaun ida ne’e, Teknikus no kargus xefias sira husi Ministériu rasik, hamutuk ho agregadus família bolseiru sira nian.
![](https://mescc.gov.tl/wp-content/uploads/2024/05/IMG_0052-1024x683.jpg)
![](https://mescc.gov.tl/wp-content/uploads/2024/05/IMG_0056-1024x683.jpg)
![](https://mescc.gov.tl/wp-content/uploads/2024/05/IMG_0061-1024x683.jpg)
![](https://mescc.gov.tl/wp-content/uploads/2024/05/IMG_0062-1024x683.jpg)
![](https://mescc.gov.tl/wp-content/uploads/2024/05/IMG_5957-1024x683.jpg)
![](https://mescc.gov.tl/wp-content/uploads/2024/05/IMG_5969-1024x683.jpg)
![](https://mescc.gov.tl/wp-content/uploads/2024/05/IMG_5972-1024x683.jpg)
![](https://mescc.gov.tl/wp-content/uploads/2024/05/IMG_5974-1024x683.jpg)