𝐆𝐎𝐕𝐄𝐑𝐍𝐔 𝐀𝐏𝐑𝐄𝐙𝐄𝐍𝐓𝐀 𝐏𝐑𝐎𝐏𝐎𝐒𝐓𝐀 𝐎𝐑𝐒𝐀𝐌𝐄𝐍𝐓𝐔 𝐑𝐄𝐓𝐈𝐅𝐈𝐊𝐀𝐓𝐈𝐕𝐔 𝐈𝐇𝐀 𝐏𝐀𝐑𝐋𝐀𝐌𝐄𝐍𝐓𝐔 𝐍𝐀𝐒𝐈𝐎𝐍Á𝐋

𝐃Í𝐋𝐈, 𝟐𝟐 𝐀𝐠𝐨𝐬𝐭𝐮 𝟐𝟎𝟐𝟑 – S. E. Ministru Ensinu Superiór, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, Tersa ne’e, ho Membru Governu Konstitusionál Da-sia sira seluk akompaña S. E. Primeiru Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, aprezenta proposta Lei Orsamentu Retifikativu 2023 iha Parlamentu Nasionál.

Orsamentu ne’e, Governu husu ho objetivu atu bele ezekuta atribuisaun sira husi estrutura governamentál foun nia misaun liuliu iha implementasaun ba medidas komprometidas ba loron 120 mandatu ne’e nian.Ezekusaun ne’e to’o loron 31 fulan Dezembru hodi bele halo mós preparasaun ba Orsamentu Jerál Estadu (OJE) 2024.