𝐒𝐞𝐦𝐢𝐧á𝐫𝐢𝐮 𝐤𝐨𝐧𝐚-𝐛𝐚 𝐈𝐠𝐮𝐚𝐥𝐝𝐚𝐝𝐞 𝐉é𝐧𝐞𝐫𝐮 𝐛𝐚𝐳𝐞𝐢𝐚 𝐛𝐚 𝐤𝐨𝐧𝐬𝐞𝐢𝐭𝐮 𝐧𝐨 𝐈𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧

Ministériu Enisinu Superiór Siénsia no Kultura, liuhusi Diresaun Jerál Administrsaun no Finansas, realiza Semináriu ho tema “Igualdade Jéneru bazeia ba Konseitu no Implementasaun” ba funsionariu sira husi Ministériu no instituisaun ne’ebé tutela ba MESSK, iha salaun INAP, Díli.

Objetivu husi Semináriu ida-ne’e, atu fó-oportunidade hodi promove no dezenvolve konseitu sira no implementasaun ba asuntu igualdade jéneru nian, ba funsionáriu sira Ministériu nian, no mós ba funsionariu sira husi instituisaun tutela ba ministéru ne’e rasik.

Portantu promosaun ba funsionáriu feto sira-ne’ebé mak okupa kargus-xefia iha Ministeriu, husi totál kargu-xefia 50, iha feto 15 mak okupa, 35 mak mane sira, no iha termus númeru nian, iha funsionárius hamutuk 481 funsionáriu, husi total ida-ne’e, funsionáriu feto hamutuk 180 mak okupa iha nível no grau oin-oin.

Aleinde ne’e, Diretór Jeral Administrasaun no Finansas-MESSK, hateten, asuntu konseitu no implementasaun ba jeneru nian, hanesan asuntu ida ne’ebé mak Govenu adopta no abranje ba setor hotu-hotu.Painelista ba atividade ida-ne’e, mai husi entidade relevante sira hanesan, Komisaun Funsaun Publika (KFP), SEII, FOKUPERS, UN Women, PDHJ no Fundasaun ALOLA.

Semináriu ne’e, ofisialmente loke husi Diretór Jerál (DJAF-MESSK), Sr. Hernâni Viterbo da Costa Soares, ne’ebé reprzsenta S. Exa. Ministru Ensinu Superior, Siénsia no Kultura, no hetan partisipasaun husi funsionáriu sira instituisaun relevante nian no mos estudante husi instituisaun ensinu superiór sira.