by Manaus, Brasil: Iha loron 25 fulan Jullu tinan 2025, S. Exa. Ministru Ensinu Superior, Siénsia no Kultura, Sr. José Honório, partisipa iha serimónia enseramentu ba VIII Kongresu Internasional kona-ba Edukasaun Ambiental CPLP.
Iha serimónia ne’e, responsável sira husi REDELUSO informa katak, hafoin analiza kandidatura Timor-Leste no Angola, sira deside katak Timor-Leste sei organiza IX Kongresu Internasional kona-ba Edukasaun Ambiental iha tinan 2027.
Hafoin anúnsiu ida ne’e, Ministru José Honório agradese konfiansa ne’ebé sira fó ba Timor-Leste no informa katak eventu ne’e sei hala’o iha Oecusse-Ambeno, rejiaun istórika ne’ebé simboliza hahú relasaun ho mundu luzófonu. Sr. Ministru subliña mos katak Timor-Leste iha kompromisu forte ho edukasaun ambiental ne’ebé inkluzivu no desentralizadu. Akresenta mós katak Timor-Leste sei asegura kondisaun hotu-hotu atu IX Kongresu Internasional kona-ba Edukasaun Ambiental iha 2027 sei sai partisipativu, interkulturál no transformadór, hodi hametin relasaun lasus amizade entre povu sira CPLP nian.
English 
Portuguese