THE GOVERNMENT OF BRUNEI DARUSSALAM SCHOLARSHIP TO FOREIGN STUDENTS TENABLE IN BRUNEI DARUSSALAM 2026/2027 ACADEMIC SESSION

Ministériu Ensinu Superiór, Siensia no Kultura (MESSK), liuhosi Unidade Parseria no Kooperasaun (UPK), informa ba públiku katak Governu Brunei Darussalam liu husi Programa The Government of Brunei Darussalam Scholarship for the Foreign Students Tenable in Brunei Darussalam, Academic Session 2025/2026. Oferese bolsu estudu kompletu ho vaga rua (2) ba Timor oan hotu atu kontinua estudu iha Instituisaun ensinu superiór iha Brunei Darussalam, ho programa nivel Lisensiatura (S1), no nivel Mestradu (S2).

Iha Instituisaun Ensinu Superiór lima(5) ne’ebé maka partisipa iha programa bolsu estudu ne’e mak hanesan; Universiti Brunei Darussalam (UBD), Universiti Islam Sultan Sharif Ali (UNISSA), Univrsiti Teknologi Brunei (UTB), Politeknik Brunei (PB) no Kolej Univesiti Perguruan Ugama Seri Begawan (KUPU SB). No kandidatu sira bele hili Instituisaun ensinu superiór  ida hodi kontinua estudu iha ne’eba.

KRITERIA ELIJIBILIDADE

• Tenki sidadaun Timor oan.
• Tenki iha kondisaun saúde (mentál no fíziku) ne’ebé permite atu halo estudu iha rai li’ur.
• Kandidatu hela permanente iha Timor-Leste no bolsu estudu ne’e la oferese ba sidadaun Brunei Darussalam ou estrangeiru ne’ebé hela permanente iha Brunei Darussalam.
• Tenki iha maturidade no kapasidade atu halo moris independente iha rai li’ur.
• La iha rejistu kriminál ka ezekusaun sivíl husi tribunál kontra kandidatu.
• Seidauk halao estudu iha nasaun Brunei Darussalam antes ne’e, no seidauk hetan bolsa husi governu Timor-Leste ka parseiru nasaun seluk (iha momentu mai aplika bolsa ida ne’e).
• Kandidatu ba programa;

1. Nível Lisensiatura ho idade entre 18-25 anos (iha loron 01 janeiru 2026), remata ona ensinu sekundáriu.
2. Nível Mestradu ho idade 35 anos (iha loron 01 janeiru 2026), remata ona lisensiatura.

DOKUMENTU SIRA BA APLIKASAUN

• Fotográfia medida passaporte nian (fotográfia 3×4 foun, fundu mean)
• Fotokópia diploma no transkrisaun akadémika ne’ebe legalizadu husi ME (ensinu sekundariu) no MESCC (universitaria); akompaña mos nia tradusaun iha lian ingléz ne’ebé mak legalizadu ona.
• Fotokópia koloridu Sertidaun RDTL (versaun Ingléz) ne’ebe autentikadu husi Ministériu Justisa/Diresaun Notariadu.
• Fotokópia koloridu Passaporte ne’ebe autentikadu husi Ministériu Justisa/Diresaun Notariadu.
• Fotokópia koloridu Bilete Identidade RDTL ne’ebe autentikadu husi Ministériu Justisa/Diresaun Notariadu.
• Fotokópia Buletim Registo Criminal, Versaun Ingléz; (Validu fulan 6 no autentikadu husi Ministériu Justisa/Diresaun Notariadu.
• Fotokópia sertifikadu kursu Lian Ingléz (TOEFL ho score minimu 550 ou IELTS ho score minimu 6.0)
• ​Karta Rekommendasaun husi referénsia nain rua; husi Escola Anterior no Fatin Servisu.

KALENDÁRIU PROSESU KANDIDATURA

• Dia 15 Dezembru 2025: Publikasaun vaga bolsa estudu
• Dia 5 Janeiru 2026 to’o dia 9 Janeiru 2026: Submisaun dokumentu aplikasaun (fíziku) mai UPC-MESCC.
• Dia 13 Janeiru 2026: Anunsiu rezultadu selesaun dokumentu.
• 15 – 16 Janeiru 2026: lntervista ba aplikante ne’ebé liu selesaun dokumentu.
• Dia 20 Janeiru 2026: Anunsiu rezultadu finál ba kandidatu ne’ebé passa intervista
• Dia 22 Janeiru 2026: Pedidu aprovasaun lista kandidatu rekomendadu Sua Excia. MESSK molok submete ba Embaixada Brunei Darussalam iha Dili.
• Dia 26 Janeiru 2026: Submisaun dokumentu kandidatu rekomendadu sira ba Embaixada  Brunei Darrussalam iha Dili.

Ba detalla informasaun, mai diretamente iha UPK-MESCC,  Avenida Marginál no. 4 Colmera – Dili, Timor-Leste, iha oras serbisu nian.

Mak ne’e deit, ba ita bo’ot sira nia atensaun ami hato’o obrigadu wain.

Dokumentu Ofisiál Ministériu:

https://mescc.gov.tl/wp-content/uploads/2025/12/Bolsa-Estudu-Brunei-2026-2027.pdf