THAILAND INTERNATIONAL COOPERATION AGENCY (TICA), (Thailand International Postgraduate Programme (TIPP) SCHOLARSHIPS 2026

ANÚNSIU

Ministério do Ensino Superior, Ciência e Cultura (MESCC) liu husi Unidade de Parceria e Cooperação (UPC) hakarak informa ba públiku katak Reinu Tailândia liu hosi nia ajensia Thailand International Cooperation Agency (TICA) koopera ho Univesidade/Instituisaun Ensinu Superior sira iha Tailandia, oferese vaga Bolsa Estudu nivel Mestradu liu husi programa Thailand International Postgraduate Programme(TIPP) for the year 2026, ho area  prinsipál Hitu (7) mak hanesan tuir mai ne’e:

• Sufficiency Economy Philosophy for SDGs
• Climate Resilience
• Agriculture and food Security
• Trade and Economy
• Inclusive Development
• Health and Wellness and Science Technology
• Innovation for Development (STI)

Relasiona ho oferta ne’e hakarak konvida Timor oan hirak ne’ebé iha interese atu bele aplika ba vaga bolsa estudu refere no preferensia ba ajensia Governamentál no Organizasaun relevante sira hodi bele nomeia kandidatu tolu kada kursu, no aplikasaun hotu tenki submete ba TICA Liu husi Embaixada Reinu Tailandia.

KRITERIA ELIJIBILIDADE

1. Tenki sidadaun Timorense.
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur, La ho kondisaun grávida spesifikamente ba kandidatu feto sira (komprova ho Atestadu Médiku)
3. Domina Lian Inglês (Komprova ho sertifikadu TOEFL ou IELTS (certifikadu  validu))
4. Idade másimu iha loron aplika mak 45 anos
5. La iha rejistu ba kazu kriminál ka ezekusaun sivíl husi tribunál kontra kandidatu (Aneksu ho Bom Comportamento)
6. Iha ona esperensia servisu ne’ebé relevansia ho área estudu disponivél

DOKUMENTU APLIKASAUN

1. Tama iha link ( TIPP application form ) https://tica-thaigov.mfa.go.th ou https://tica-thaigov.mfa.go.th/en/page/75500-tipp-application form? Menu=605b13dbb6f1b76ed31778b3) Download no Print-out, e Priense kompletu Formulariu Aplikasaun, inklui, Medical Report, Laboratory Examination.
2. Karta rekomendasaun ( Autorizasaun Governu / Organizasaun nian ) hosi pelumenus ema nain 3 ( ema nain 1 kada karta ) (ho lian Inglez)
3. Fotokópia pajina identifikasaun Passaporte, RDTL validu no autentika orijinál husi Ministériu Justisa. (Passaporte nia validade mak posterior husi dia  16 Fevereiru                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    2026).
4. Curiculum Vitae(CV), no referensia husi ema nain tolu(3) (ho lian inglez).
5. Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál husi MESCC ne’ebé hetan ona akreditasaun), ba kandidatu ne’ebé atu aplika nivel Mestradu.
6. Fotokópia Sertifikadu kursu/ formasaun sira, liu-liu ba area ne’ebe presija.(koloridu)
7. Fotokópia Buletim Rejistu Kriminál(Non-Criminal Record Report) iha lian Ingléz no autentika/notariadu orijinál husi Ministériu Justisa
8. Fotokópia Sertidaun RDTL iha lian Inglez no autentika/notariadu orijinál husi Ministeriu Justisa.
9. Fotokópia Kartaun Eleitorál no Billete Identidade aplikante nian. (koloridu).
10. Fotokópia Diploma no Transkrisaun Akademika nivel lisensiatura, akompaña ho tradusaun iha lian Ingléz (tenki legalizadu orijinál husi MESCC).

*Dokumentu sira seluk ne’ebé ezije hosi Instituisaun akadémika (favor hare detalle kursu nian: Matéria “ dokumentu ne’ebé presiza” ba informasaun liután)*

 SUBMISAUN DOKUMENTUS APLIKANTES:

• Bainhira kandidatu prense ona formulariu aplikasaun ne’e, aneksa ho dokumentu hotu tau iha envelope A4 kor kafé, prepara originál iha envelope ida(1) ho kopia tau iha envelope rua(2), Dokumentu tenki tau ordenadu tuir númeru.
• Dia 2- fevereiru 2026 to’o dia 11 fevereiru 2026: Submisaun Dokumentu sira Aplikasaun(Fíziku) mai UPC-MESCC.
• Presiza halo rejistu naran iha UPC-MESCC hodi konfirma aplikante ne’ebe mak priense kriteria elijibilidade hodi konkore vaga bolsa estudu refere.

• Fatin ba Submete Documentus bele mai diretamente UPC-MESCC Avenida Marginal no. 4 Colmera – Dili, Timor-Leste, iha oras serbisu nian.

• Formuláriu aplikasaun no dokumentu kritériu sira ne’ebé submete ona, mak la kompletu, laiha karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei diskualifika (ka invalidu).

BA INFORMASAUN KLARU LIU TAN HALO FAVOR BELE VISITA

• Website ofisiál https://tica-thaigov.mfa.go.th
• Email: tipp@mfa.go.th.
• Website MESCC https://mescc.gov.tl ka pájina facebook ofisiál MESCC nian no hare iha kuadru avisu  ka bele vizita diretamente UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.

Mak ne’e deit, ba ita bo’ot sira nia atensaun ami hato’o obrigadu wain

Dokumentu Ofisiál Publikasaun: https://mescc.gov.tl/wp-content/uploads/2026/01/THAILAND-INTERNATIONAL-COOPERATION-AGENCY-TICA-SCHOLARSHIPS-2026.pdf