by 
Díli, 22/08/2024. S. Exa. Ministru Ensinu Superiór, Siénsia no Kultura, Dr. José Honório, loke ofisial abertura ba Ezame Sertifikasaun “Diploma Estudante sira husi Estabelesimentu Ensinu Superiór sira ne’ebé la akredita iha momento graduasaun”, ne’ebé mak realiza iha Salaun Fundasaun Cristal (ISC), Balide Díli.
Objetivu husi ezame sertifikasaun ida ne’e, atu hodi halo teste fila fali ba graduadus sira ne’ebé mak sira nia diploma la hetan rekoñesimentu relativa ho sira nia Universidade/Instituto la akredita iha momento estabelesimentu nian. Ho nune’e, graduadus sira ne’ebé bele hetan fali rekoñesimentu husi Ministeriu etu bele sertifika legalidade husi sira nia diploma sira.
Atividade refere realiza husi Diresaun Nasional Legalizasaun (DNL) no Diresaun Nasional Ensinu Superiór (DNES), tuir Diploma Ministérial Nu. 31/7/MESSK/2024, ne’ebé fo kompeténsia hodi halo Ezame Sertifikasaun ba alunus la akreditadu sira ne’ebé mak seidauk hetan rekoñesimentu no legalizasaun ba sira nia diploma husi parte Governu, hodi bele utiliza ba sira nia necessidade ba iha futuru.
Portanto, ezame refere halao ho meius teste eskrita no oral, ne’ebé ho nia total partisipantes ne’ebé mak realiza ezame sertifikasaun ida ne’e, hamutuk nain neen nulu resin neen (66), ne’ebé mai husi Instituisaun Ensinu Superiór Privadu sira iha rai laran no mos rai liur, tuir fakuldade no area espesialidade oi-oin.
Hola parte iha serimónia ofisial ida ne’e, S. Exa. Ministru Ensinu Superiór, Siénsia no Kultura, Dr. José Honório rasik, Prezidente Fundasaun Cristal (ISC), Sr. Agostinho dos Santos, Magnifico Reitor, Dr. Sebastião Pereira, kagus dirijentes no téknikus sira husi MESSK.
