by 
Díli, 02/10/2024: S. Exa. Ministru Ensinu Superiór, Siénsia no Kultura, Dr. José Honório, halao sorumutu ho ekipa husi Millennium Challenge Account Timor-Leste (MCA-TL), iha sala reuniaun MESSK, Colmera Díli, atu hodi realiza reuniaun informativa atu introduz kona-ba planu servisu ne’ebé sei halao husi kompañia internacional sira ba iha estabelesimentu area edukasaun nian, ne’ebé mak prioridade liu ba kona-ba atividade formasaun professores Ensinu Sekundariu nian.
Husi sorumutu ida ne’e, programa importantes sira ne’ebé mak MCA aprezenta mak projetu Talento, ne’ebé sei hari Instituisaun Formasaun Professores sira ne’ebé tutela ba iha Ministériu Ensinu Superiór, Siénsia no Kultura rasik. Porantu projetu refere ho nia capital finansiamentu oferese husi Pais Estadus Unidus Amerika mai Timor-Leste, ho nia montante orsamentu ne’ebé aloka ba iha projetu refere hamutuk $40.2 Milloes.
S. Exa. Ministru Ensinu Superiór, Siénsia no Kultura, Dr. José Honório, demostra nia apoio tomak ba implementasuan projetu refere, hodi bele estabelese programa ba hari Instituisaun Formasaun ba professor ne’e rasik.
Hola parte iha sesaun refere, S. Exa. Ministru MESSK, akompaña husi ekipa tékniku sira husi MESSK ne’ebé mak kompostu husi Assesor Nasional no Internasional sira, hamutuk ho Diretor Ezekutiva MCA-TL nian, Dr. Constâncio Pintu ho nia ekipa.
