by 
Aileu, 02 Juñu 2025: S.E. Ministru Ensinu Superior, Dr. José Honório, akompaña S. Exa. Primeiru-Ministru RDTL, hodi partisipa iha serimónia lansamentu simbóliku Programa Ekonomia Azúl hanesan kompromisu IX Governu Konstitusionál nian iha protesaun ambientál no dezenvolvimentu sustentável.
Vizita ne’e atu fó hanoin mós ba ema hotu katak “Ha’u-nia Tasi! Ha’u-nia Timor! hahú iha foho sira no tun ba tasi no husi tasi ba foho sira”, atividade ne’e realiza iha ambitu ba komemorasaun Semana Oseanu 2025.
Serimónia ne’e inisia ho atividade husik ikan oan iha lagoa seloi, kontinua kolleita produtu lokál hanesan modo, hare’e no finaliza ho atividade kuda ai-oan.
Partisipa iha serimónia ne’e mak S. Exa. Primeiru-Ministru, Membru Governu sira, Autoridade Munísipiu Aileu, Sosiedade Sivíl no Estudante sira.
#Media_URP_MESSK
English 
Portuguese