S. EXA. MESSK HALO SORUMUTUK HO S. EXA. MINISTRA MEIU AMBIENTE NO MUDANSA KLIMA HUSI BRASIL

Manaus, Brasil: Iha loron 21 fulan Julhu tinan 2025, iha ámbitu VIII Kongresu Internasionál kona-ba Edukasaun Ambientál CPLP, S. Exa. Ministru Ensinu Superior, Siénsia no Kultura Timor-Leste (MESSK), Sr. José Honório, halo sorumutuk ho S. Exa. Ministra Meiu Ambiente no Mudansa Klima husi Brasil, Sra. Marina Silva, ho objetivu atu aprezenta komprimentus no reforsa kooperasaun entre nasaun rua iha área edukasaun ambientál no dezenvolvimentu sustentável.

Durante enkontru ne’e, S. Exa. Ministra Marina Silva subliña importánsia husi lian portugés nu’udar ligasaun forte entre Timor-Leste no Brasil, no hatudu kompromisu husi Brasil atu kontinua fó apoio ba nasaun sira ne’ebé iha dezenvolvimentu, hanesan Timor-Leste, liu-liu iha area edukasaun, ambiente no siénsia.

Parte rua, konkorda nesesidade atu promove programa konjuntu ba formasaun no kapasitasaun teknika, estimula interkámbiu akadémiku no siéntifiku entre Instituisaun Ensinu Superior sira, no kontinua halo servisu hamutuk atu fó prioridade ba edukasaun ambiental iha nível Nasoins Unidas.

Reuniaun ida ne’e, haforsa vizuan komun katak dezenvolvimentu sustentável presiza asaun lokál ho impaktu global, no kooperasaun solidária entre povu sira ne’ebé kompartilha valor, istória no lian hanesan.