by 📍 Manufahi | 26 Juñu 2025: Ministru Ensinu Superiór, Siénsia no Kultura, S.E. Dr. José Honóriu da Costa Pereira Jerónimo, partisipa ohin iha serimónia tomada de posse ba Prezidente foun husi Institutu Politékniku Betano (IPB), Sr. Alcino da Costa I. A. Fernandes, ne’ebé eleitu ba mandatu periódu 2025–2029.
Iha ninia intervensaun, Sr. Ministru hato’o parabéns ba Prezidente foun, no fó enfaze katak Prezidente iha responsabilidade boot atu lidera instituisaun ensinu superiór ida ne’ebé prezisa iha kompromisu ho dezenvolvimentu ba área politékniku iha Timor-Leste. Nune’e mós, S.E. Ministru hato’o agradesimentu ba Prezidente sesante, Dr. Acácio C. Amaral, no rekoñese esforsu, servisu no dedikasaun ne’ebé nia kontribui durante tinan walu lidera IPB.
Serimónia ne’e realiza iha resintu IPB, no partisipa iha ne’e reprezentante husi MESSK, ANAAA, INCT, KFP no Konsellu Veteranus, PNTL, F-FDTL husi Manufahi, no mós dosente, funsionáriu no estudante sira.
📚 MESSK kontinua ho kompromisu atu asegura fortalesimentu ba instituisaun ensinu superiór iha Timor laran tomak.
English 
Portuguese