Programa Bolsa Estudu  Ministério do Ensino Superior, Ciência e Cultura (MESCC)Timor-Leste Tinan Akadémiku 2025/2026

Ministério do Ensino Superior, Ciência e Cultura (MESCC) Timor-Leste, hahu loke programa bolsa estudu ba Tinan Akadémiku 2025/2026, nível  Mestradu ba iha Nasaun Indonesia ho vaga 2 iha área estudu Economics and Biotechnology iha Universitas Katolik Indonesia Atma Jaya (Unika Atma Jaya).

1. Kriteria Aplikasaun

KRITERIA JERAL:

1. Tenki sidadaun Timorense
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur
3. La iha rejistu ba kazu kriminál ka ezekusaun sivíl husi tribunál kontra kandidatu
4. Kandidatu ba programa: Nível Mestradu ne’e ho idade 40 mai kraik, remata ona lisensiatura
5. Ba kandidatu eis bolseiru  husi MESCC- FDCH nian tenki kompleta minimu tinan rua (2).

KRITÉRIU ESPESÍFIKU:

Iha síkulu estudu Mestradu nian:

• Portador diploma lisensiatura ka ekivalénsia, aneksa ho transkirsaun notas no certidão de habilitação legalizado;
• Tenki iha koñesimentu Jerál adekadu ho área ne’ebé hili ba espesializasaun iha Mestradu nian.
• Tenki domina lian Ingles no Indonesia iha nível ko’alia, hakerek no rona ho diak;
• Iha valór médiu mínimu 2,75 ba eskola iha Universitas Katolik Atma Jaya (Unika Atma Jaya). consideravelmente equivalente História Escolar ka Trankrisaun Valór ikus programa Licensiatura;
• Ba kandidatu portador diploma lisensiatura ka equivalente ne’ebé mak eis bolseiru Estadu no servisu ona iha Administrasaun Públika Estadu no mos Setór Privadu tenki hetan rekomendasaun husi superior hierárkiku fatin servisu nian atu bele konkore ba vaga Mestradu;
• Ba kandidatu ne’ebé nu’udár funsionáriu permanente Estadu nian, presiza hetan rekomendasaun husi superior hierárkiku atu bele konkore ba bolsa ida ne’e;

B. DOKUMENTU APLIKASAUN

Dokumentu obrigatóriu ne’ebé tenki submete iha períodu kandidatura nian mak hanesan tuir mai ne’e:

1. Formuláriu aplikasaun kompletu tuir aprovasaun husi servisu Ministériu Ensinu Superior, Siênsia no Kultura-MESSK responsável ba bolsa estudu  
2. Fotokópia Diploma no Transkrisaun Akademika, (tenki legalizadu orijinál husi MESCC ne’ebé hetan ona akreditasaun)
3. Fotokópia Passaporte Valido (karik iha ona)
4. Sertidaun Moris RDTL
5. Kartaun Eleitoral
6. Boletim Registu Kriminal
7. Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak asina
8. Fotokópia Sertifikadu kualifikasaun iha lian lian Ingléz no bahasa Indonesia (karik iha)
9. Curriculum vitaeasina no testamuña husi ema nain rua (Assinatura original kandidatu no testamuña);
10. Esbosu proposta planu nian Pajina 2, Uja lian Ingles;

C. Prosesu Kandidatura

1. Formuláriu Aplikasaun bele Foti/download husi link ne’e https://mescc.gov.tl/wp-content/uploads/2025/05/FORMULARIU-APLIKASAUN-BOLSA-MESCC-2025.pdf Ka bele mos mai foti iha Unidade Parserias no Kooperasaun-UPC liu husi Ministério do Ensino Superior, Ciência e Cultura (MESCC),
2. Informasaun klaru bele mai diretamente iha UPC-MESCC,  Avenida Marginal no. 4 Colmera – Dili, Timor-Leste, iha oras serbisu nian.
3. Kalendáriu Prosesu Kandidatura ba Universidade Gajamada Indonesia;

• Loron 16– 23 Maiu 2025     :Anúnsiu públiku no Prense Furmulariu
• Loron 26-30 Maiu  2025      : Devolve formuláriu aplikasaun mai iha UPC-MESCC no Selesaun dokumentu
• Loron  2 Juñu 2025              : Anúnsiu Resultadu Selesaun Dokumentu
• Loron 4-5 Juñu 2025           : lntervista ba aplikante ne’ebé liu selesaun dokumentu
• Loron 9-10 Juñu 2025    : Anunsiu rezultadu finál ba kandidatu ne’ebé passa intervista.

Formuláriu aplikasaun no dokumentu sira suporte nian entrega direta husi kandidatu ba Unidade de Parcerias e Cooperação (UPC) Ministério do Ensino Superior, Ciência e Cultura, Avenida Marginal No. Colmera, Vera Cruz-Dili, Timor Leste

Mak ne’e deit, Ba ita bo’ot sira nia atensaun ami hato’o, obrigadu wain

Dokumentu Anunsiu Bolsa

https://mescc.gov.tl/wp-content/uploads/2025/05/AVIZU-ATMA-JAYA.pdf

#Media URP-MESCC