by Díli, Iha loron 22 no 23 fulan outubru 2025: ekipa profesór sira hosi MESCC/DGESC hamutuk ho Diresaun Nasionál Siénsia no Teknolojia, hala’o konkursu Português em Companhia hodi komemora Loron Nasionál Ensinu Superiór.
Konkursu ida-ne’e hala’o iha Fundação Oriente ba dosente sira hosi Instituisaun Ensinu Superiór Privadus, ne’ebé tinan-tinan tuir formasaun língua portugeza hosi MESCC. Dosente sira na’in 60 hanesan ne’e maka partisipa no fahe ba ekipa oioin tuir ida-idak nia nivel profisiénsia linguístka.
// Jogu ne’e hala’o ho tarefa oioin hanesan — mímika, dezeñu, jogu pista, jogu liafuan no kuiz — hotu-hotu hala’o iha lian portugés, ho objetivu atu reforsa no hametin partisipante sira-nia kapasidade linguístika iha ambiente lúdiku no informál.
// Manán-na’in sira hosi jogu ida-ne’e, iha nivel A1, mak Alexandrina do Rosário Fernandes, Cesilia Juliana da Cruz Tasi Bobo, no Ronaldo Gomes Soares hosi Instituto Superior Cristal; iha nivel A2, maka Margarida da Silva Guterres, Nelson Amaral Seixas no Abreu Menguinho de Jesus da Costa hosi IOB; no iha nivel B1, maka Jorge Belo hosi ISC, Laura Cardoso da Silva hosi ISJB no Santino Barros hosi UNPAZ.
English 
Portuguese