![](https://mescc.gov.tl/wp-content/uploads/2024/07/WhatsApp-Image-2024-07-21-at-23.22.59-768x1024.jpg)
![](https://mescc.gov.tl/wp-content/uploads/2024/07/WhatsApp-Image-2024-07-24-at-13.32.48.jpg)
Jakarta, 19/07/2024: S. Exa. Ministru Ensinu Superiór, Siénsia no Kultura, Dr. José Honório, sai palestrante ba iha ´´Seminiariu Internasionl Turizmu“, iha Jakarta Indonesia, ne’ebé mak realiza husi Instituto Parawisata Trisakti Jakarta ba selebrasaun Dies Natalis husi Instituisaun refere nian ba dala-55.
Konvidado espesial sira ne’ebé maka hola parte no sai palestrante iha Seminariu ida ne’e, mai husi representante Governo Nasional Indonesia nian, hanesan husi Ministeriu Edukasaun Indonesia, Empresarius lokais sira ne’ebé maka iha setor Turizmu nian. Husi konvidadu Internasional, maka Timor-Leste reprezenta husi S. Exa. Ministru Ensinu Superiór, Siénsia no Kultura, Dr. José Honório, husi Pais seluk hanesa, China, Suiça no Vietname.
S. Exa. Ministru Ensinu Superiór, Siénsia no Kultura, iha nia diskursu hateten ´´ Timor-Leste mos konsidera turizmu hanesan sektor ida ne’ebé importante no bele fo kontribuisaun ba dezenvolvimentu ekonomia sustentavel. Tanba ida-ne’e iha nível Universitariu Nasional iha Timor-Leste, agora sei loke fakuldade turizmu iha Universitas Nasional Timor-Lorosa’e (UNTL) no mos iha nível Ensinu superiór teknika sei sei loke kampus Politeknika no turizmu. Politeknika ida-ne’e hanesan parte hosi kolaborasaun ho Institut Teknologi Bandung ne’ebé ajuda halo dezeñu tekniku ne’ebá sei hahu nia implementasaun iha 2025 mai.
Passu tuir mai, kolaborasaun ne’ebé presiza halo maka dezenvolvementu rekurso umanu hodi bele halo jestaun ba Instituisaun Ensinu Superiór 2 refere. Tanba ida-ne’e, esforsu kolaborasaun hotu realiza liu husi akordu kolaborasaun ba kapasitasaun rekurso umanu, hanesan ne’ebé defini liu husi G to G Agreement ne’ebé assina hosi nasaun 2 nian entre Indonézia no Timor-Leste. “
Partisipantes ne’ebé marka prezensa iha semináriu ne’e, mai husi professores 500 resin, husi desimu segundu ano tekniku vokasional iha area espesialidade turizmo Indonesia nian.
Portantu, sesaun Seminariu ida ne’e, S. Exa. Ministru hetan mos akompañamentu husi Gabinete Adidu Edukasaun, Komersiu, Seguransa, no mos teknikus sira husi Ministériu nian rasik.