by Exa. Ministru Ensinu Superiór, Siénsia no Kultura (MESSK), Longuinhos dos Santos, akompaña S. Exa. Primeiru-Ministru Taur Matan Ruak iha sesaun diálogu ho Autoridade Lokál no Komunitária sira iha Munisípiu Baucau ho tema: “Reforsa Reziliénsia Nasaun Nian”.Iha diálogu ne’e, partisipante sira hato’o pergunta oin-oin iha área ensinu superiór no kultura, ne’ebé hetan kedas resposta husi S. Exa. Ministru Ensinu Superior, Siénsia no Kultura. Pergunta pertinente balun hanesan hato’o husi Xefi Juventude Baucau kona-ba possibilidade atu Universidade Nasionál Timor Lorosa’e (UNTL) bele loke klase paralela iha Munisipíu Baucau. Kona-ba asuntu ne’e, S. Exa. Ensinu Superiór no Kultura hatán katak “atu hari’i Instituisaun ida ka loke klase paralela tenki kumpri regra ka rekizitu no prosedimentu sira ne’ebé lei iziji, atu nune’e Ministériu Ensinu Superiór bele atribui lisensa operasionál”. Diálogu ne’e hala’o iha salaun Sentru Konvensaun Baucau no hetan partisipasaun husi Membru Governu, Administradór Munisipiu, Administradór Postu, Xefi Suku, Xefi Aldeia, reprezentante relijiozu, veteranus, grupu juventude no sosiedade sivil.
