by Ministériu Ensinu Superiór, Siénsia no Kultura, liu husi Diresaun Nasionál Rekursus Umanus, hala’o Semináriu ho tema ´´Regra no Prosedimentu iha Jestaun no Administrasaun no Servisu Inspesaun“, dirije ba funsionáriu foun sira husi Ministériu no SEAK.Semináriu ne’e, hala’o iha Salaun Ian Martin iha INFORDEPE Balide – Díli, ne’ebé mak nia oradór mai husi Ministeriu rasik ne’ebé kompostu husi, Diretór-Jerál Administrasaun no Finansas (DGAF), Sr. Hernâni Viterbo da Costa Soares, ne’ebé mak aprezenta kona-ba servisu husi DGAF nian, no Inspetór-Jerál MESSK, Sr. Higino Alves, ne’ebé aprezenta kona-ba kompeténsia husi Inspesaun Jerál nian. Partisipa iha Seminariu ne’e, Xefe Gabinete ne’ebé reprezenta S. Exa. Ministru Ensinu Superiór, Siénsia no Kultura, Sr. José dos Santos, Oradór Nain rua, Diretor Nasionál Rekursus Umanus, Xefe Departamentu no funsionáriu foun sira husi MESSK no SEAK.
