by 
Díli, 18/11/2024: S. Exa. Ministru Ensinu Superiór, Siénsia no Kultura, Dr. José Honório, hamutuk ho reprezentantes husi Serkretaria Estadu Igualdade (SEI), KOICA, UM-Woman no Juridika Sosial (JU´s), iha segunda-feira liu ba, halo lansamentu ba programa Estratejia Zero toleransia ba Assedu Sexual ba Instituisaun Ensinu Superiór sira, ne’ebé mak realiza iha Hotel Timor, Díli.
Objetivu prinsipal husi programa refere maka, atu halo implementasaun ba programa kona-ba prevensaun no kombate assedu sexual ba iha Instituisaun Ensinu Superiór sira iha Timor-Leste. Ne’ebé mak previsu ba iha programa ida ne’e, sei realiza iha iha Instituisaun ensinu superiór 19 ne’ebé mak existe iha Territoriu nasional, atu hodi bele garantia ambiente ne’ebé seguro no livre husi assedu sexula, prevensaun violasaun seksual no violensia bazei aba jeneru, iha ambiente eskola, iha Universidade no Instituto sira iha Timor-Leste.
S. Exa. Ministru Ensinu Superiór, Siénsia no Kultura, Dr. José Honório iha nia diskursu afirma katak ´´Ho lansamentu ba programa refere maka hanesan rezultadu pozitivu ida no ita tenke komesa hahu halo prevensaun no Zero toleransia ba Assedu Sexula iha ita nia rain. Komesa Agora no ba iha“.
Programa refere konta ho assinatura nota entendimentu ho parseiru sira, inklui mos assinatura plaka ba implementasaun programa refere ne’ebé mak sei destaka ba iha Instituisaun Ensinu Superiór sira iha Timor-Leste, hodi simboliza implementasaun programa refere. Portanto, implementasaun ba programa ida ne’e, Governo Timor-Leste liuhusi Ministériu Ensinu Superiór, Siénsia no Kultura, ho servisu hamutuk ho Sekretaria Estadu Igualdade (SEI) no parseiru internasional KOICA, UM Woman no Juridika Sosial (JU´s.
Hola parte iha sesaun ida ne’e, mai husi Reprezentantes husi Instituisaun Ensinu Superiór, sira iha Timor-Leste, reprezentantes husi ajensia internasional sira, korpos religiosos, estudantes no funsionarius sira husi Ministériu no Instituisaun relevantes sira.
