Ministério do Ensino Superior, Ciência e Cultura

“A Qualidade na Formaçao é o Futuro da Naçao”

Biografia Ministru Ensinu Superior, Siénsia no Kultura, Longuinhos dos Santos, L.Ec.MM

Longuinhos dos Santos moris iha Munisípiu Bobonaru, Postu Administrativu Maliana, iha loron 4 Julhu 1974. Iha períodu tinan 1982 to’o 1991, frekuenta Ensinu Primáriu no Ensinu Pré-Sekundáriu (SMPN 2), iha Maliana, no remata Ensinu Sekundáriu Públiku (SMEA), iha Munisipiu Liquisa, iha tinan 1994. Durante prosesu libertasaun, la bele kontinua nia estudu maibé hala’o servisu, ho naran kódigu rezisténsia ELEZON, iha rede klandestina to’o momentu hahú Referendu, iha tinan 1999. Iha tinan 2001, hahú hikas nia estudu iha Universidade Nasionál Timor Lorosa’e, iha Fakuldade Ekonomia, Kursu Ekonomia no Jestaun, ne’ebé remata iha tinan 2007.

Iha períodu 2010 no 2011, hala’o estudu Mestradu nian iha área Ekonomia no Jestaun husi Universidade Kristen Satya Wacana (UKSW) Sala Tiga, Indonézia. Iha tinan 2012, hahú hala’o ninia kna’ar hanesan Dosente permanente iha Fakuldade Ekonomia no Jestaun – Universidade Nasionál Timor Lorosa’e (UNTL) , no asumi mós pasta hanesan Vise-Dekanu iha Departamentu Komérsiu no Turismu nian.

Aleinde envolvimentu iha kna’ar ne’ebé temi iha leten, envolve mós iha kareira profisionál seluk hanesan tuir mai ne’e:

Membru Komisaun Diálogu ba Reintragasaun Komunitária iha Bebonuk (2006);
Vice-Prezidente Órgaun Konsellu Fiskál Federasaun Desportu Akadémika Timor-Leste (2013);
Koordenadór ba Fakuldade Ekonomia no Jestão iha UNTL hodi servisu hala’o peskiza ho parseiru husi Ministériu Komérsiu Indústria no Ambiente (2014);
Orientadór Debate Públiku kona-ba Jéneru iha nível Fakuldade (2015);
Fundadór Partidu Libertasaun Popular (2015), iha ne’ebé ezerse funsaun hanesan Primeiru Vise-Koordenadór Munisipiu Díli no membru Komisaun Juridika Nasionál (2017-2022);
Prezidente Komisaun Organizadora Akadémika nian (2016);

Iha 2017, partisipa iha reuniaun Trilateral Round Table entre Austrália, Timor-Leste no Indonézia, iha Charles Darwin University. Simu posse husi S. Exa. Prezidente Repúblika, iha loron 22 fulan Juñu tinan 2018, hodi asumi kna’ar hanesan Ministru Ensinu Superiór, Siénsia no Kultura, iha VIII Governu Konstitusionál, ba períodu 2018-2023.

Biografia Sekretáriu Estadu Arte no Kultura

Teófilo Caldas Moris iha Suku Fatu-Bessi, posto administrativu Hatolia, munisípiu Ermera, iha loron 7 fulan Marsu tinan 1973, husi aman Domingos Caldas da Silva no inan Alice do Rosário Brites. Oan daruak husi alin hamutuk nain 10, mane nain 8 no nain feto 2. Hahú tama eskola primária n.º 33 Fatu-Bessi iha 1982, kontinua ba eskola pre-sekundária Gleno iha 1987 no remata eskola sekundária 17 Gleno, Ermera, iha 1992 no agora dadaun kontinua hela estudu iha Universidade Nacional Timor-Lorosa’e (UNTL).

Kaben ho Levenita Madeira, iha oan hamutuk nain 5, mane nain 4 no feto nain 1 maka hanesan oan dahuluk Telizano Madeira Carvalho,tinan 23 finalista Universidade Kediri – Indonesia, oan daruak Moises Teófilo Caldas da Silva tinan 21 eskola iha Universidade hanesan ho nia maun semester IV, oan datoluk Toty Jezito Caldas tinan 19 kontinua mos eskola hamutuk nia nia maun nain rua iha universidade ne’ebé hanesan foin maka komesa, oan ba dahaat Cristiano Alexandre Teófilo Caldas tinan 11 agora dadaun eskola iha eskola primária n.º 02 Bebonuk no oan ida ikus maka Nossa Beatriz C.L.M Caldas foin maka halo fulan 8.

Teófilo Caldas hanesan mos timor-oan sira seluk ne’ebé sofre barak ba konsekuénsia funu ba ukun rasik an iha faze invazaun no okupasaun Repúblika Indonésia, husi 1975-1980 hamutuk ho família halai iha ailaran, ikus mai inimigu forsa Indonésia kaptura iha Sare Asulau iha 1980 no destera ba Rairobo Atabae, 1981 fila fali mai Fatu-Bessi. Iha faze re-organizasaun luta nian husi 1987-1998 ativu iha frente klandestina grupu Maubere submete ba responsável padre Mario Belo iha komandu CNRM nia okos. Husi 1998-1999 nafatin frente klandestina kargu hanesan seksaun téknika submete ba Komandante Nino Konis Santana iha komandu CNRT nia okos, husi partisipasaun ne’e ikus mai hetan rekoñesimentu no valorizasaun hosi estadu ho pensaun subsisténsia ba kategoria 8 a 14 anos ba partisipasaun luta ba ukun rasik an nian.

Kona-ba esperiénsia servisu ho instituisaun seluk aman ba oan nain 5 ne’e hahú hanesan Funsionáriu ETADEP husi 1993-1998, tempu ukun an sai funsionáriu Ministériu Interior husi 2002-2006 no husi 2007-2017 moris ho vida hanesan emprezáriu. Partisipa mos iha formasaun profisionál sira hanesan formasaun iha área lideransa iha Ministériu Interiór iha tinan 2005 no halo estudu komparativu iha Yayasan Satunama Yogyakarta iha tinan 2017.

Iha vida politika depois de ukun rasik an bainhira partidu CNRT moris iha 2007 sai ekipa susesu ba partidu CNRT, iha 2012 eleitu ba estrutura partidu CNRT ho pozisaun hanesan 1º Vice Kordenadór partidu CNRT postu administrativu Dom-Aleixo no asume mos kna’ar hanesan membru Konsellu Diretivu Nasionál partidu CNRT.

Hafoin Aliansa Mudansa ba Progresu (AMP) manan iha eleisaun antesipada iha loron 12 fulan Maiu iha tinan 2018, hetan fiar nu’udar membru VIII Governu Konstitusionál kaer pasta hanesan Sekretáriu Estadu Arte no Kultura ba períodu 2018-2023 tutela ba Ministériu Ensinu Superiór, Siénsia no Kultura.

Misaun

Ensinu Superior:

Dezenvolve sistema nasionál ida, ne’ebé abranjente no integradu ba kapasitasaun no valorizasaun rekursus umanus, ho padraun kualidade internasionál neebé rekoñese.

Siensia no Teknolojia:

Kria sistema nasionál siénsia no teknolojia ne ‘ ebé bele prodús koñesimentu ho impaktu ba dezenvolvimentu Timor-Leste nian.

Kultura:

Hasa’e produsaun kulturál hodi valoriza Patrimóniu Kulturál no Identidade Nasionál.

Vizaun

Ensino Superior :

Promove asesu no susesu husi joven sira iha Ensinu Superiór.
Asegura relevánsia ba oferta formativa, atu promove empregabilidade ba graduadu sira.
Dezenvolve sistema ida atu garante kualidade.

Siensia e Teknolojia

Kria mekanizmu ba formasaun sientista sira.
Promove kareira ba investigador sira.
Kria mekanismu ida ba finansiamentu projetu investigasaun.

Kultura :

Salvaguarda no valorizasaun Patrimóniu Kulturál materiál no imateriál Timor-Leste nian.
Promove arte no kapasidade kriativa kulturál.
Promove kriasaun no habelar infraestrutura kulturál.

ORGANOGRAMA

Descrição do Estrutura

VIII GOVERNO CONSTITUCIONAL

DECRETO-LEI N.º /2019 de

ORGÂNICA DO MINISTÉRIO DO ENSINO SUPERIOR, CIÊNCIA E CULTURA

O presente diploma aprova a orgânica do Ministério do Ensino Superior, Ciência e Cultura, como um dos departamentos governamentais do VIII Governo Constitucional, previsto no artigo 23.º do Decreto-Lei n.º 14/2018, de 17 de Agosto, que aprovou a Orgânica do VIII Governo Constitucional.

É de salientar que, pela primeira vez na história da República Democrática de Timor-Leste, se procede à criação de um ministério com responsabilidades específicas sobre a área do ensino superior e da ciência.

O Ministério do Ensino Superior, Ciência e Cultura desempenhará um papel essencial no estabelecimento de padrões de qualidade rigorosos, ao nível do funcionamento das instituições públicas e privadas do ensino superior e na capacitação de recursos humanos qualificados aptos a responder às necessidades do país, de forma a concretizar as metas de desenvolvimento sustentável estabelecidas no Plano Estratégico de Desenvolvimento (2011-2030). “Read More”

0Shares