by 
Diresaun Nasional Ensinu Superiór, Ministériu Ensinu Superiór, Siénsia no Kultura, konvoka sorumutu ho reprezentante estrutura husi Instituisaun Ensinu Superiór sira hanesan, UNITAL, UNDIL, no ICS, iha salaun MESSK, Colmera Díli, husi loron 23 to’o 25 Jullu 2024, hodi aprezenta relatoriu rezultadu monitorizasaun ne’ebé mak ekipa DNES, realiza ona, iha fulan hirak liu ba husi Tekniku sira.
Atividade ne’e, hanesa kontinuasaun husi rezultadu monitorizasaun ne’ebé mak defini ona iha konograma Dirasaun Nasional Ensinu Superiór (DNES) nian, no programa ne’e mos hanesan Planu asaun Anual 2024 nian atu Monitoriza Instituisaun Ensinun Superior Públiku no Privadu sira ne’ebé mak estabelese iha teritoriu Timor laran tomak.
Objetivu prinsipal husi sorumutu ida ne’e, atu hodi halo aprezentasaun ba relatório monitorizasaun ne’ebé mak durante ne’e, ekipa tékniku husi DNES sira halao ba iha Instituisaun Ensinu Superiór sira, hodi bele halo diskusaun ho Instituisaun sira ne’e rasik, atu hodi bele solusiona problemas no desafius sira ne’ebé mak Ministériu sira identifika tuir nessesidade ne’ebé mak sira existe iha Universidade no Institutu sira.
Tuir planu, atividade hanesan sei kontinua halo ba Instituisaun Ensinu Superiór, sira hotu ne’ebé mak existe iha Timor-Leste, hodi bele garantia efetividade no kualidade husi operasionalidade no mos sistematika tuir padraun ne’ebé mak Ministériu konsagra ona. Partisipa iha Sorumutu ne Mak Diretor DNES, Sr. Higino Alves ho reprezentante estrutura husi Instituisaun Ensinu Superiór, sira ne’ebé mak refere, hamutuk ho ekipa tékniku sira husi MESSK rasik.
