DALAN BA IGUALDADE – “Storytelling – Filme Dokumentariu” (Destinadu ba Estudante Ensinu Superior Publiku/Privadu)

1. Introdusaun

Programa igualdade Jeneru ho naran “Dalan ba Igualdade-storytelling/Konta istória” nudar projetu datoluk nian ne’ebé maka aliña ho polítika Ministériu Ensinu Superior, Siénsia no Kultura (MESCC) atu halo promosaun ka dezenvolve atividade hirak nebe’e maka kontribui ba promosaun igualdade jeneru laos deit iha Ministeriu nian laran maibe iha mós instituisaun ensinu superior sira nia le’et.

Programa “Dalan ba Igualdade-storytelling/Konta istória” sai nudar seguimentu ka kontinuidade husi programa kompetisaun ne’ebé maka MESCC realiza ona iha tinan sira liu ba iha nível instituisaun ensinu superior sira. Programa sira ne’ebé anteriormente realiza maka “konkursu fotografia iha tinan 2023“ konkursu mellores proposta akadémika konabá promosaun igualdade jeneru iha tinan 2024, no programa sira ne’e, MESCC realiza ho fundu orsamentu ne’ebé mai husi Sekretaria Estadu ba Igualdade (SEI).

Ba tinan 2025, MESCC ho hanoin ida atu haluan kompriensaun no hasa’e koñesimentu husi estudante ensinu superior sira kona-bá importánsia husi kestaun igualdade jéneru nian prosesu ensinu nomós interasaun iha sosiedade akadémika nian laran, propor atu realiza konkursu “Dalan ba Igualdade-storytelling/Konta istória kona-ba Assunto Igualdade Jeneru”, nebe’e maka sei fo sai realidade husi ema sira nebe’e maka durante iha sira ninian moris loron-loron iha komunidade nian le’et, luta hasoru difikuldade oi-oin, no dala barak, ezerse funsaun ne’ebé maka la tuir sira ninian forsa. Realidade ka luta sira ne’e, presiza atu fo sai hodi nune’e bele hamosu espiritu inkluzaun, justisa, igualdade no respeitu malu entre jeneru sira. Esperiansia moris sira ne’e, sei hatudu liu husi filme dokumentariu ho durasaun minutu sanulu resin lima (15m), no ninian produsaun sei halo husi estudante ensinu superior públiku no privada sira.

Ho nune’e, maka loke, konkursu ida ne’e, destina deit ba joven estudante ensinu superior sira husi universidade no institutu públiku no privadu sira ne’ebé akreditadu iha nasaun Timor-Leste ho idade 17 to’o 30 ne’ebé ativu hela sira nia estudu. Atu fo oportunidade ba estudante kreativu sira hodi bele expressa sira nian abilidade iha mundu filmajem dokumental hodi promove asuntu igualdade jeneru.

Tuir mai deskrisaun detallu ba konkursu nian:

2. Objetivu Konkursu

• Atu estimula kreatividade no kapasidade narativa husi joven estudante universidade sira nian iha mundu dokumental
• Promove konsiénsia kritiku joven sira nian konaba igualdade jeneru nian
• Rekolla no divulga historia real ou inspirativu ho faktus neebe mak refleta ba kontextu sosial Timor-Leste nian.
• Fortalesimentu parseria entre Governu no Instituisaun Ensinu Superio ba promosaun valor inklusiva nian.

3. Tematika

Tema Sentral mak “Dalan Ba Igualdade”. Filme dokumentariu ne’ebe mak sei aborda konaba realidade igualdade jeneru no inkluzaun neebe destaka historia vida, desafiu sosial, ho nia obstakulu sira no asaun pozitiva iha sosiedade ne’ebé justu no inkluziva.

4. Rekezitus Tékniku Sira

• Video tenki orijinal no ineditadu (Signifika footage laos editado tenke kaptasaun orijinal)
• Formatu: Dokumentáriu (bele inklui dramatizasaun badak no testemunha) no lokal ba videografia ida ne’e iha teritoriu Timor-Leste
• Durasaun Máximu: 15 Minutos
• Rezolusaun mínimu: HD (1920x1080p)
• Video tenke inklui mós lejenda tétun no portugues, , tuir preferénsia hili husi lian ofisial rua refere (tradusaun ba inglés)
• Partisipantes sira ne’ebé mak sai hanesan personagem tenke hetan autorizasaun ou aseita atu halo dokumentasaun no divulgasaun ba nia propriedade hodi respeitu nafatin termu kondisaun ba Direitu rezerva vida Privada
• Dokumentasaun/Filme sei entrega iha formato digital tau iha folder ida (Folder_Naran konkorente_data_dalanbaigualdade), submete hamutuk ho:

a. Formulariu Inskrisaun Prienxidu husi konkorente

b. Kopia Kartaun Estudante no Kartaun Identidade (BI, Elitoral ou Passaporte)

c. Sinopse vídeo (Max. 300 Palavras) iha PDF

d. Lista Utilizasaun atributu iha vídeo (izemplu, soundtrack, sound Effect, no Múzika ne’ebé hetan lisensa ba utilizasaun komérsial (Free for Comercial Use) no mos atributu sira seluk.

5. Kriterius Elejivel ba Partisipantes sira

• Sidadaun ho Nasionalidade Timor-Leste
• Idade: 17 to 30 anos
• Tenke estudante ativu hela iha Universidade/Institutu Superior akreditadu iha Timor-Leste
• Submisaun Grupo (max. 4 Elementu ba grupu)
• Kada partisipante so bele submete Projetu Filme ida
• Priense Formulariu ne’ebé Prepara ona husi ekipa Komisaun Organizadora (Download/Foti Formulariu iha link ne’e https://mescc.gov.tl/wp-content/uploads/2025/05/FORMULARIU.pdf )

6. Kriterius ba Avaliasaun & Persentajem

No	Kriteriu	Peso (%)
1	Klaridade ba mensajem refleta konaba Igualdade Jeneru	25%
2	Estrutura Narrativa (Prinsípiu/inisiu, Meiu/konflitu/desafius, Fim/Solusaun)	20%
3	Téknika Narrativa no Estilu Audiovizual	15%
4	Reprezentatividade no Diversidade (Balansu Jeneru)	10%
5	Impaktu Emosional no Intelektual	10%
6	Orijinalidade no Kriatividade	10%
7	Kualidade Téknica Produsaun (áudio, vídeo, edisaun)	10%
Total		100%

Eskala Avaliasaun nian

• 9–10 pontus = Exelente/Diak los
• 7–8 pontus = Diak
• 5–6 pontus = Satisfatóriu/ Diak oitoan
• 0–4 pontus = Insufisiente/Ladun Diak

7. Kompozisaun no Kompetensia Ekipa Juri

Kompozisaun ba equipa júri kompostu husi membro nain 4, ne’ebe mak hanesan tuir mai ne’e:

Membru	Entidade	kompetências
Sineasta ou produtor audiovisual profissional	Espesialista Sinematografika/ Audiovisual/ Komunikasaun visual	Avalia téknika Audiovisuál no demais relevâncias téknika relativa ho dokumentasaun ne’ebé kabe mos ba prinsipiu utilizasaun atributu no tékniku filmagem no produtu audiovisuál nian.
Reprezentante Secretaria Estadu Igualdade	SEI	Avalia konaba Assuntu konseitu refleta igualdade jeneru
Representante da Secretaria de Estado da Arte e Cultura	SEAC	Avaliar mérito Kultural e artístico da produção
Representante do MESCC	MESCC	Avalia kriterius jerais inklui rekezitus teknikus provas kandidaturas nian

8. Kalendariu ba Atividade

• Reuniaun tékniku de aprezentasaun ho universidades sira, 23 maiu 2025 (Dader)
• Reuniaun Aprezentasaun ho equipa Juri sira, 23 maiu 2025 (lokraik)
• Lansamentu ofisial ba konkursu (Anunsiu iha Plataforma onlines no distribui ba universidade sira, panfleito no seluk tan), 26 maiu 2025
• Periodu submisaun ba video, 27 maiu to’o 20 juñu 2025
• Avaliasaun ba vídeo halao husi ekipa júris, 23 to’o 24 de juñu 2025
• Anunsiu Resultadu Ofisial (Publika iha Plataforma online MESCC), 27 juñu 2025
• Expozisaun/Apresentsasaun Video no entrega premiu ba Vensedor sira, 30 juñu 2025

9. Premios

Klasifikasaun	Prémiu
1.º Lugar	$ 1,250.00 + sertifikadu + KIT Akademiku
2.º Lugar	$ 1.000.00 + Sertifikadu + KIT Akademiku
3.º Lugar	$ 750 .00 + Sertifikadu + KIT Akademiku
4.º Lugar	$ 500.00 + Sertifikadu + KIT Akademiku

10. Termos Condiçõens Jerais

• karik partisipante sira laiha ekipamentu profisional ruma hodi suporta, partisipante sira bele utilizia rekursu seluk hanesan smartphone, ou telemóvel ho alta kualidade rezolusaun atu hodi kumpri nafatin rekezitu tekniku minimu nian.
• Sei simu deit proposta dokumentariu sira ne’ebé mak aprezenta ninian relatividade ho asuntu igualdade jeneru no inkluzaun. Ba sira ne’ebe mak la kumpre kategoria sei automatikamente exklui husi konkursu.
• Partisipante sira tenke hatudu asseitasaun integrál ba referente regulamentu.
• Dokumentasaun vídeo hotu ne’ebé submete ba konkursu refere sei konsidera hanesan propriedade institusionál MESCC nian, ho kréditu ba autór/produtór sira ne’ebé rekoñese iha divulgasaun ruma iha futuru.
• Partisipante sira iha responsabilidade tomak atu hetan autorizasaun antes husi ema sira ne’ebé filma, hodi respeita sira nia Direitu rezerva Vida privada no Direitu ba privasidade. Iha kazu keixa sira relasiona ho uzu imajen sem autorizasaun ka lian ne’ebé laloos, partisipante sira sei assume responsabilidade legál no sivíl tomak, MESCC sei la toma responsabiliza ba irregularidade sira refere.
• La autoriza uza múzika, lian, imajen ka efeitu sira ne’ebé hetan protesaun hosi direitu autor (Copyright), exeptu ba atributu ne’ebé iha domíniu públiku ka hetan lisensa devidamente ba uzu gratuitu iha kontestu komersiál. Konteúdu hotu-hotu ne’ebé uza tenke orijinál ka iha lisensa apropriadu ba uzu gratuitu no komersiál (Free for Comercial Use).