S. Exa. Ministru Ensinu Superiór, Siénsia no Kultura, (MESSK), Longuinhos dos Santos, hala’o abertura ba atividade diseminasaun dekretu-lei kona-ba Kurikulu Padraun Nasionál Ensinu Superíor nian, iha Auditóriu UNITAL, Becora.Atividade ida-ne’e hala’o durante loron tolu, no hetan partisipasaun husi Magnifiku Reitór no dosente sira husi Instituisaun Ensinu Superiór akreditadu sira.
Ekipa husi DNFALP-MESSK, liuhusi Departamentu Lojístika no Patrimóniu, kontinua hala’o distribuisaun ba materiál operasionál lojístika no mós ekipamentu informátika ba funsionáriu sira iha Munisípiu Kovalima no Vikeke. Kontinuasaun atividade ida-ne’e, hodi responde ba nesesidade husi funsionáriu sira ne’ebé destaka iha munisipiu, liu-liu hodi fasilita servisu operasionál.
Ministériu Ensinu Superiór Siensia no Kultura, liuhusi Diresaun Nasionál Planeamentu Parseria no Estatístika (DNPPE), realiza semináriu ho tema “Jestaun no Protesaun ba Dadus Pessoais”, ne’ebé mak hala’o iha Sala Konferénsia Hotel Timor Díli.Objetivu husi semináriu ida-ne’e, atu habelar no transmite informasaun kona-ba, importánsia husi Jestaun no Protesaun ba Dadus Pessoais ne’ebé mak rekollidu husi Instituisaun…
