BOLSA ESTUDU INDONÉZIA – “Parseria Nasaun Dezenvolvimentu (Kemitraan Negara berkembang (KNB)) tinan akadémiku 2026/2027.”

Ministériu Ensino Superior, Siênsia no Kultura (MESSK) liu husi Unidade de Parseria no Kooperasaun (UPK), hakarak informa ba públiku katak Governu Repúblika Indonézia liu hosi Embaixada Repúblika Indonézia, oferese Bolsa Estudu Kompletu ho programa “Parseria Nasaun Dezenvolvimentu (Kemitraan Negara berkembang (KNB)) tinan akadémiku 2026/2027.” Bolsa estudu KNB nu’udar programa ida ne’ebé finansia tomak ba estudante internasionál sira husi nasaun ne’ebé dezenvolve hela, inklui Timor-Leste, atu hala’o estudu iha nivél Lisensiatura, Mestradu, no Doutoramentu iha universidade selesionadu sira iha Indonézia.

Bolsa estudu ne’e kobre propinas, subsídiu mensál ba moris, seguru saúde, no programa preparatóriu ida molok hahú estudu akademiku sira.

Períodu rejistu sei loke hosi loron 2 fulan Fevereiru, Tinan 2026 to’o loron 31 Fulan Marsu Tinan 2026.

Prosesu aplikasaun no informasaun detallu kona-ba kritériu elejibilidade, programa estudu ne’ebé disponivel, prosedimentu rejistu, no prazu sira bele asesu iha website ofisiál programa nian iha enderesu tuirmai ( bele tama iha link):

Https://knb.kemdiktisaintek.go.id/

TERMU NO KONDISAUN SIRA BA ELEJIBILIDADE

• Aplikante sira tenki sidadaun Timorense.
• Tenki iha kondisaun saúde (mentál no fíziku) ne’ebé permite atu halo estudu iha rai li’ur, no la ho kondisaun grávida, espesifikamente ba kandidata sira (komprova ho Atestadu Médiku).
• La iha rejistu ba kazu kriminál ka ezekusaun sivíl husi tribunál kontra kandidatu.

DATA KOMPLETU SUBMISAUN APLIKASAUN

• 02 fevereiru – 31 Marsu 2026: Prenxe Formuláriu no nasai dokumentu sira ne’ebé presiza.
• 06 Abril – 17 Abril 2026: Verifikasaun dadus hosi Embaixada Indonézia.
• 20 Abril – 20 Abril 2026: Formuláriu no Dokumentu sira verifikasaun hosi Diresaun Asuntu Institusional.
• 04 Maiu – 12 Juñu 2026: Avaliasaun ba kualifikasaun akadémika no elejibilidade (Selesaun Akadémika).
• 19 Juñu 2026: Publikasaun ba kandidatu sira (Bolseiru sira).
• 22 Juñu – 26 Juñu 2026: Premiadu Asina akordu Estudante nian (Re-Rejistu).

Prosesu Aplikasaun (Online)

• Aplikante sira sei halo rejistu online/aplika online liu hosi link: 

Https://knb.kemdiktisaintek.go.id/

Ba Detalla Informasaun Kompletu

• Bele mai hare iha kuadru avizu MESCC, Avenida Marginál no. 4 Colmera – Dili, Timor Leste.
• Vizita website MESCC https://mescc.gov.tl 
• Pajina facebook ofisiál MESCC nian, ka
• Bele mai diretamente iha eskritóriu UPC-MESCC,  iha oras serbisu nian.

Mak ne’e deit, Ba ita bo’ot sira nia atensaun ami hato’o obrigadu wain.

Dokumentu Ofisiál ba Bolsa bele asesu link iha okos:https://mescc.gov.tl/wp-content/uploads/2026/01/BOLSA-ESTUDU-INDONEZIA-Parseria-Nasaun-Dezenvolvimentu-2026-2027.pdf