BOLSA ESTUDU – FUNDASAUN NAILEKHANIM

Ministériu Ensinu Superior, Siênsia no Kultura (MESSK), liu husi Unidade Parseria no Kooperasaun (UPK) hakarak informa ba públiku katak Governu Repúblika Azerbaijaun liu husi Fundasaun Nailekhanimoferese vaga bolsa estudu ida (1) ba Timor oan ne’ebé kualifikadu hodi kontinua estudu iha nível Mestradu ka Doutoramentu iha Khazar University.

Termu no Kondisaun sira ba Elejibilidade

• Tenki sidadaun Timor-Leste
• Prioridade ba aplikante Feto
• Iha prestasaun akadémika ne’ebé exelénte
• Domina lian inglês ho diak
• Komitmentu bo’ot ba área estudu ne’ebe mak hili ona
• Iha talentu ba peskiza akademika nível Esnsinu Superior
• Submete aplikasaun ba email admission@khazar.org ho deadline 01 juñu 2025 (hakerek assuntu iha email, “Nailekhanim Foundation’ Scholarship Application’’).
• Ba kandidatu ne’ebé submete dokumentus tarde no la kompletu sei la prossesa ba konsiderasaun.

Selesaun  Kritériu

• Hakerek Essay (hanesan kompozisaun literária badak, analítiku, interpretativu, ka krítiku ne’ebé trata ho nia asuntu husi pontu-de-vista limitadu no dala barak pesóal) motivasaun kona-ba tópiku tuir mai “ Deskreve situasaun sira ne’ebé ita-boot hatudu ka asiste lideransa feto nian no oinsá ida ne’e halo diferensa pozitivu.
• Relatóriu akadémiku ne’ebé destakadu, hatudu prova ida kona ba méritu akadémiku nivel ass, ho mínimu A – 90-92, ka 3.7 (husi 4) husi média pontu válor (GPA), ka ekivalente, depende ba eskema klasifikasaun husi aplikante nia universidade anteriór.
• Domina ka fluente iha lian Inglés ne’ebé apropriadu hodi bele hala’o  peskiza akadémika

Ba informasaun detallu liu tan konaba rekezitus no prosesu rekrutamentu online ba vaga bolsa estudu refere, halo favor bele vizita link, admission@khazar.org. Hafoin muda ba Scholarships atu hare  nia prosesu ba  asesu bolsa.

Mak ne’e deit, ba ita bo’ot sira nia atensaun ami hato’o, obrigadu wain

Fundasaun NAILEKHANIM

( https://international.khazar.org/international-scholarship-program/ )

Dokumentu Publikasaun

https://mescc.gov.tl/wp-content/uploads/2025/05/Bolsa-Estudu-Fundasaun-NAILEKHANIM-Maiu-2025.pdf

#Media_URP_MESSK